په‌يوه‌نديێن ميسى وبيكێ تێكچوون
ئه‌ڤرۆنيوز:
راپۆرتێن رۆژنامه‌ڤانى ل ئيسپانيا ئاماژێ دده‌ن كو په‌يوه‌نديا هه‌ردو ياريكه‌رێن به‌رشه‌لونا ليونێل ميسى وجيراد بێكێ دباش نينن ژبه‌ر وان ئه‌نجامێن هه‌رسێ ياريێن دووماهيێ يێن به‌رشه‌لونا دخۆلا ئيسپانى يا ته‌پا پێى دا كو تێدا ژ سێ ياريان هه‌فت خال ژده‌ستداين.
به‌رنامێ (ئال شيرينجيتو) به‌لاڤكر” بێكێ نه‌رازيبوونا خوه دياركريه به‌رامبه‌ر ميسى ژبه‌ركو ده‌مێ ئه‌نجامێن به‌رشه‌لونا دنه‌رێنى بن، ميسى وه‌كو كاپتنێ به‌رشه‌لونا بۆ ده‌زگه‌هێن راگه‌هاندنێ نائاخڤيت بۆ پشته‌ڤانيا به‌رشه‌لونا”.
بێكێ گۆت ژى” ميسى داخۆيانيا تنێ ل ده‌رڤه‌ى ئورۆپا دده‌ت هه‌كه ل گه‌ل هه‌لبژارتيێ ئه‌رجنتين بيت”
ژلايێ خوه‌ڤه ميسى به‌رسڤا بيكێ دده‌ت ودبێژيت” ئه‌گه‌رێ ئه‌نجامێن نه‌باش يێن به‌رشه‌لونا شاشيێن هێلا به‌ره‌ڤانيێ نه ويانێن دى گه‌له‌گ گۆلان ل سه‌ر مه تۆمار دكه‌ن”.
وى به‌رنامه‌ى ئاشكراكر كو نوكه په‌يوه‌نديێن ميسى وبيكێ يێن تێكچووين.
