پۆستەکێ زانکۆیا دھۆک دێ ب CV ھێتە پڕکرن
ئەڤرۆ:
وەزارەتا خواندنا بلند و ڤەکۆلینێن زانستی پۆستێ ھاریکارێ سەرۆکێ زانکۆیا دھۆک بۆ کاروبارێن قوتابیان رادگەھینیت و ھەر ئێکێ مەرج ل دەڤ ھەبن دشێت سیڤیێ خۆ پێشکێش بکەت.
وەزارەتا خواندنا بلند و ڤەکۆلینێن زانستی ئەڤ پۆستە ل مالپەرێ خوە یێ فەرمی بەلاڤ کریە و مەرج ژی دیارکرینە کو دڤێت خزمەتا پێشکێش کاری یا زانکۆیێ 10 سال بیت، ھەروەسا ھەلگرێ باوەرناما دکتۆرایێ بیت و ناسناڤێ زانستی ژ پرۆفیسۆرێ ھاریکار کێمتر نەبیت، ھەروەسا ھاتیە کو شارەزایی ل زمانێ ئنگلیزی و کۆمپیوتەری دێ دەلیڤا زێدەتر بۆ پێشکێش کاری پەیدا کەت.
وەزارەتا خواندنا بلند ئەو ژی دیارکریە کو دووماھی ژڤان بۆ پێشکێش کرنێ رۆژا 18\1\2015 یە، ئەو کەسێن بۆ جارا ئێکێ پێشکێش دکەن دێ CV بۆ ڤی پۆستی رەوانە کەن ھەروەسا پۆختێ راژێ ھەڤپێچ کری بیت ژ لایێ فەرمانگەھا وی ڤە و ب مورێ ھاتبیتە پەسەند کرن.
