پۆلیس دێ بۆ کەمپێن ئاواران ھێنە دامەزراندن
ئەڤرۆ:
بەرپرسێ پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ ئەڤرۆ دیار کر کو بریارە 600 پۆلیس بۆ کەمپان بھێنە دامەزراندن و ھەر ژ نھا فۆرمان بەلاڤ دکەن.
رائید ھێمن سلێمان ئەترووشی دیار کر کو رێڤەبەریا پۆلیسێن پارێزگەھا دھۆکێ دێ 600 پۆلیسان دامەزرینیت و گۆت “ئەڤ پۆلیسە دێ بۆ پاراستنا کەمپان ھێنە دامەزراندن و نابیت ئەو پۆلیسێن بھێنە دامەزراندن ژ بلی کەمپان داخوازا ھیچ جھەکی دی بکەن و فۆرم ژی ھەتا پێنجشەمبیا بھێت دێ ھێنە بەلاڤکرن”.
بەرپرسێ پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ خویا ژی کر پشتی فۆرمان پڕ دکەن پێدڤیە ببنە پشکا مەشق و شیاندنێ کو دکەڤیتە نێزیک گۆرەپانا ترایێ یا کەڤن کو دکەڤیتە تەناھیێ.
