پێدانا پاسپۆرتێ دێ هێتە راگرتن

ئەڤرۆ نیۆز،زنار تۆڤی:

رێڤه‌به‌ریا گشتی یا ره‌گه‌زنامێ ل هه‌رێما كوردستانێ راگه‌هاندیە کو بۆ ماوێ 14 رۆژان پێدانا پاسپۆرتێ دێ هێتە را‌گرتن و داخوازێ ژ وەلاتیان د‌كه‌ن کو سه‌رەدانا رێڤەبەریێن پاسپۆرتان نه‌كه‌ن.

ل دووڤ نڤێسینەکێ کو ئیمزا لیوایێ مافپه‌روه‌ر دلێر ئه‌حمه‌د ئاكۆ رێڤە‌به‌رێ گشتی یێ ره‌گه‌زناما هه‌رێما كوردستانێ ل سه‌ره،‌پشت ب نڤێسینەکا رێڤە‌به‌ریا گشتی یا كاروبارێن شارستانی و پاسپۆرت و ئاکنجیبوونێ‌ – رێڤەبه‌راتیا‌ پاسپۆرتا به‌غدا به‌ستییە‌‌،هەروەسا هۆكارێ راگرتنا پێدانا پاسپۆرتێ روونكریە کو‌‌ ب ئەگەرێ گوهۆرینا ‌ سیستەمێ كەڤن ب سیستەمێ نووڤە و ئەڤ راگرتنه دێ‌ ل رۆژا 8/8/2017 هەتا 22/8/2017 یا به‌رده‌وام بیت.

هەروەسا دیارکریە کو بتنێ ئه‌و وەلاتی دشێن‌ سه‌رەدانا رێڤەبەریا پاسپۆرتا بكه‌ن،یێن کو‌ مامه‌لێن وان ل ‌سه‌ر سیستەمێ کەڤن هاتینە تەمامکرن.

گۆتیە ژی،ئه‌ڤ گۆهورینە دێ‌ سه‌رجه‌م پارێزگەهێن عێراقێ ڤەگریت و پاشی وێ به‌روارێ دێ‌ پێدانا پاسپۆرتان ب سیستەمێ نوو ده‌ست پێکەت‌.

کۆمێنتا تە