پێدڤیە جڤاکێ مە ب پێش هاتنا ڤایروسێ کورونایێ ڤەنەگەریت
ئەڤرۆ نیوز، عەلی حاجی :
راوێژکارەکێ نەخوەشیێن ڤەگوهاستی و بەرگری کرنێ بۆ ئەڤرۆ نیوز دیار کر ل دەست پێکا قەدەغەیا هاتن و چوونێ خەلکەکێ ب زوری پێگری ب رێنمایان و قەدەغەیا هاتن و چوونێ دکر بەلێ نوکە دا ئێدی خەلکەک فێری رێکارێن خوە پاراستنێ بوینە .
زێدەتر دکتور هیشام یوسڤ گوت: (ل دەست پێکێ وەلاتیێن مە هەست ب مەترسیا ڤی ڤایروسی نەکربون بەلێ خەلکێ مە ترسا مەترسیا ڤی ڤایروسی ل دەف وان دروست بویە،نوکە دا ئێدی وەلاتیێن مە ب خوو فێری وێ چەندێ بوینە خوە ژ ڤی ڤایروێ پارێزن سەرەرای هندێ ژی قەدەغەیا هاتن وچوونێ ئاسانکاری ژی تێدا هاتینە کرن بەلێ ئێدی ئەو هزرا خوە پاراستنێ ل دەف تاکێ وەلاتیێ مە دروست بویە،هەر دیسان وەلاتی ب خوە ژی هەستا بەرپرسیارەتیێ ل دەف پەیدا بویە و لەورا نابیت ئێدی جڤاکا مە بۆ پێش هاتنا ڤایروسێ کورونا ڤەگەریت پێدڤی یە سەرەدەریێ د دەما کورونایێ دا بکەت و هەستا خوە پاراستنێ ل دەف وان بمینیت و خەلکەک هەبوو ژی دناڤ جڤاکێ مە دا هەر نەدزانین دیتول یان ماددەیێن خوە پاقژکرنێ چو تشتەکە).
ناڤهاتی خویاکر ژی لدووف هزرا من ئەڤ ڤایروسە دێ مینیت و ددەمەکێ کورت دا ناهێتە ژناڤبرن هەکە د ماوەیێ وەرزێ هاڤینێ دا هێزا وی ڤایروسی کێم ژی ببیت دوبارە د وەرزێ پایزێ دا دێ ب هێز کەڤیتە ڤە ژبەر کو هەتا نوکە چو دەرمانەک ل دژی ڤی ڤایروسی نەهاتیە دروست کرن .
و گوت ژی ئێدی نوکە خەلکێ مە وەسا تێگەهشتی یە ب زوری ژی قەستا کەس و کارێن خوە ناکەت و لەورا دێ شێم بێژم روژ بۆ روژێ زێدەتر خەلکێ مە هەست ب مەترسیا ڤی ڤایروسی دکەت وجڤاکێ مە ژی دگهورینێ دایە و پێدڤی یە پشتی چوونا ڤایروسی ژی ئەم هەر رێکارێن خوە پاراستنێ بۆ ساخلەمیا خوە جێبەجێ بکەین.