پێزانین و مێژویا یاریێن ئەڤرۆ یێن قارەمانیا یورو د ڤێ راپورتی دا بینن
ئەڤرۆ، ھەژار مەعروف:
چاڤەرێ دھێتەکرن ئەڤرۆ بەردەوامی ب یاریێن قارەمانیا یورو یا ٢٠١٦ بھێنەکرن و د یاریێن رۆژا چارێ دا بریارە ھەلگرا ھەردو قارەمانیێن بوری ھەلبژارتیێ ئیسپانیا یاریا خوە یا ئێکێ ل گەل ھەلبژارتیێ چیک بکەت د چارچوڤێ یاریێن کوما چارێ کو ئەڤ کومە ب کوما ئاگری دھێتە ھژمارتن ھەر چار ھەلبژارتیێن پشکدار ھەڤرکیەکا ب ھێز کەن پشتی یاریا ئێکێ دڤێ کومێ دا دوھی ھەلبژارتیێ کرواتیا ل گەل تورکی وەکھەڤ بووی.
ئیسپانیا چیک
ھەردو ھەلبژارتی خودانێن چەندین یاریزانێن بەرنیاس ل سەر ئاستێ ئورۆپا لێ رێژەیا مەزن بۆ ئیسپانیا ڤەدگەریت کو یاریزانێن وێ یا پرە ژ ستێرێن خولێن ئورۆپی کو ١٤ یایزان ژ خولا لایگا نە نەە یاریزان ژ ریال و ئەتلەتیکو مەدرید و بەرشەلۆنا نە ھەردیسان دو ژ ئەلەتیکو بلباو ھەردیسان پشت بەستن ل سەر نەە یاریزانێن دەرڤەی خولا ئیسپانیا نە کو شەش ژ ئەوانان دخولا ئینگلتەرا دا کەن ئەوژی ل یانێن مانچستەر یوناید ئەرسینال و مان ستی چێلسی، ھەلبژارتیێ ئیسپانیا ژ سالا ٢٠٠٨ پشتی ناسناڤێ یورو ب دەستخوڤە بینت شیا گوھورینەکا مەزن ل سەر ئاستێ نیڤدەولی د مێژویا خوە دا پەیدا بکەت و چەندین ئەنجامێن سەرکەفتی ب دەستخوڤە توماربکەت ژ ئەوانا دو جاران قارەمانیا یورو ھەردیسان موندیالا جیھانی ل سالا ٢٠١٠ بۆ جارا ئێکێ د مێژویا خوە دا و ماوەکێ درێژ لیستەیا فیفا یا باشترین ھەلبژارتیا پاراست وەکو سەرکێش و ھەلبژارتیێ ئیسپانیا دەە پشکداری د قارەمانیا یورو دا ھەنە، بەرامبەر چیک ژی ھەلبژارتیەکێ ب سانەھی نابیت کو راھێنەرێ وێ ژ ٢٣ یاریزانان پشت بەستن ل سەر ١٤ یاریزانان کری یە و بەرنیاسترین یاریزانێن وێ توماس روزیتشکی یاریزانی ئەرسینال و گولچیێ بەرنیاس پیتر تشیک یێ یانا ئەرسینال ھەلبژارتیێ چیک شەش جاران پشکداری د ڤێ قارەمانیێ دا کری یە و جو جاران نەشیا ناسناڤی ب دەستخوڤە بینت.
ئیرلندا و سوید
ھەلبژارتیێ ئیرلەندا دبیتە جارا سیێ پشکداریێ د قارەمانیێ دا بکەت ھەلبژارتیێ ئیرلەندا یا بەرنیاس ب ستایلی ھەلبژارتیێ ئینگلتەرا کو ئیرلەندا ژی ئێک ژ ھەلبژارتیێن سەر ب وەلاتێ بریتانیا ڤە یە و راھێنەرێ وێ پشت بەستن ل سەر ٢٢ یاریزانان کری یە دخولا ئینگلەترا دا بتنێ یاریزانەک ژ خولا ئەمریکا ئەوژی بەری نوکە ل خولا ئیگلتەرا یاری کری یە، بەرامبەر ھەلبژارتیێ سوید ب سەرکێشیا کابتنێ خوە ئیبراھیموڤیچ دخوازیت د قارەمانیا ئەڤ سالە دا ب ئەنجامێن باش و ھەڤرکیا قوناغێن دووماھیێ بکەن، راھێنەرێ ھەلبژارتیێ سوید پشت بەستن ل سەر ١٩ یاریزانێن پیشەکار کری یە کو چار یاریزان بتنێ ژ خولا سوید ئینای نە، د مێژویا یاریێن ھەردو ھەلبژارتیان دا سێ جاران ھەمبەری ئێک بووینە ئەوژی سەرکەفتنەک بۆ ھەر ھەلبژارتیەکی و وەکھەڤیەکێ.
بەلجیکا ئیتالیا
یاریا سیێ ئەوا بریارە ل دەمژمێر ١٠:٠٠ ئەڤ شەڤە بھێتەکرن دھێتە ھژمارتن ئێک ب ھێزترین یاریێن رۆژا چارێ د قارەمانیێ دا ئەوژی دناڤبەرا بەلجیکا و ئیتالیا دا کو ھەردو ھەلبژارتی دھێنە ھژمارتن ژ بەربژارێن دەربازبوونێ بۆ قوناغا پێش دووماھیێ، پشکداریا ئەڤ سالە یا ھەلبژارتیێ ئیتالیا دبیتە پشکداریا نەھێ و جارەکێ شیا ناسناڤی ب دەستخوڤە بینت ئەوژی بەری ٤٨ سالان بو کو سالا ١٩٦٨ شیا بوو ناسناڤێ ئێکێ ب دەستخوڤە بینت لێ د ھەر قارەمانیەکا پشکداری بکەت دھێتە بەربژارکرن ژ ھەلبژارتیێن ب ھێز ژبەرکو خودانا مێژویەکا مەزن راھێنەرێ ھەلبژارتیێ ئیتالیا کونتی پشت بەستن ل سەر پێنج یاریزانێن دەرڤەی خولا ئتالیا کری یە کو سێ ژ خولا ئینگلتەرا دو ژ یانا پاریس سانجێرمان فەرەنسی و ١٨ یاریزان ژ خولا ئیتالیا کو شەش ژ یوڤانتوس ژ ئەوان بەرنیاس گولچیی بوفون و ھێلا بەرەڤانیێ بارزالی و کیلینی و زازا و فلورینزی ژ روما مارکو بارلو ژ لازیو، ھەلبژارتیێ بەلجیکا ژی دھێتە ھژمارتن ژ ھەلبژارتیێن ب ھێز تایبەت ل چار سالێن بوری دا شیا رێزبەندیەکا باش د لیستەیا باشترین ھەلبژارتیێن فیفا دا وەربگریت خودانا چەندین ستێرێن بەرنیاس نوکە دخولێن مەزن یێن ئورۆپی دا کو ھەلبژارتیێ بەلجیکا پێنج پشکداری د یورو دا ھەنە، راھێنەرێ بەلجیکی مارک ویلمتس پشت بەستن ل سەر ١٩ یاریزانێن پیشەکار کری یە کو یازدە یاریزان ژ خولا ئینگلتەرا کو زوربەیا ئەوان یاریزانان ژ یانێن مەزن خولا پرێمرلیگ و ژ ئیسپانیا و ئیتالیا دو یاریزان و ژ فەرەنسا کەندا تورکیا روسیا ھەر خولەکێ یاریزانەک کو چەندین چاڤدێر و شروڤەکەرێن وەرزشی ل ئورۆپا بەلجیکا ب بەربژارەکێ ب ھێز بۆ قوناغا پێش دووماھیێ بەربژارکری یە ھەردو ھەلبژارتی دەە جاران ھەمبەری ئێک بووینە حەفت جاران ئیتالیا شیا سەرکەفتنێ توماربکەت بەرامبەر وەکھەڤیەکێ و دو سەرکەفتنا بۆ بەلجیکا یاریا ئێکێ د مێژویا ھەردو ھەلبژارتیا دا ل سالا ١٩١٣ بو ئیتالیا شیابوو سەرکەفتنێ توماربکەت ب گولەکێ و دووماھی یاری ل سالا بوری ٢٠١٥ بۆ ھەلبژارتیێ بەلجیکا شیابوو سەرکەفتنێ ل سەر ئیتالیا توماربکەت ب سێ گولان بەرامبەر گولەکێ.
