پێشانگه‌هه‌كا فوتوگرافى ل ئامێدیێ هاته ڤه‌كرن
ئه‌ڤرۆ نیوز، نه‌وزاد هلۆرى:
ب به‌رهه‌ڤبوونا دام و ده‌زگه‌هێن میرى و ماموستا و قوتابیان، پێشانگه‌هه‌كا فوتوگرافى ل كولیژا په‌روه‌ردا بنیات ل ئامێدیێ بو ئێك ژ فوتوگرافه‌رێن ده‌ڤه‌را ئامێدیێ هاته ڤه‌كرن.
عسمه‌ت سه‌رسنكى، فوتوگرافه‌ر بۆ ئه‌ڤرۆ نیوز گۆت: (ب مه‌ره‌ما نیشاندانا سرۆشت و دیروك و ژیانا رۆژانه و كه‌لتوورێ ده‌ڤه‌را ئامێدیێ، من پێشانگه‌هه‌كا فوتوگرافى ل كولیژا په‌روه‌ردا بنیات ل ئامێدیێ ڤه‌كر و تێدا 21 فوتو نیشاندان وه‌كو ئاماژه‌یه‌ك بۆ 21ێ ئادارێ و سه‌ر سالا كوردى كو دبیته جه‌ژنا نه‌وروزێ).
زێده‌تر گۆت: (سوپاسیا هه‌موو وان كه‌س و لایه‌نان دكه‌م كو هاریكاربوین بو ڤه‌كرنا پێشانگه‌هێ، ئه‌ڤ فوتویه هه‌موو د نوو بوون و ل سنوورێ قه‌زا ئامێدیێ هاتینه گرتن).
