پێشبینی دھێتە کرن د ڤێ حەفتیێ دا باران ب باریت

ئەڤرۆ نيوز:
دەستەیا کەشناسیا عیراقێ پێشبینی دکەت کو سوبەھی 24/10 ل ھندەک دەڤەرێن ھەرێما کوردستانێ و باکوورێ عیراقێ باران ب باریت و پلێن گەرمێ ژی نزم ببن.
دەستەیا کەشناسیا عیراقێ د بەیاننامەکێ دا دیار کریە کو رۆژا دوشەمبی 24/10/2016 ل چەند دەڤەرێن ھەرێما کوردستانێ و باکوورێ عیراقێ ئەسمان ب تەمامی دێ بیتە عەور و پێشبینی دھێتە کرن د دەمێ شەڤێ دا بارانەکا ھوور ب باریت.
ھەروەسا د بەیاننامێ دا ھاتیە: “رۆژا سێشەمبی 25/10 ژی عەورەکێ رەش دێ ئەسمانێ ھەرێما کوردستانێ و باکوورێ عیراقێ داپۆشیت و ئەگەر یێ ھەی باران ب باریت و بریسی ژی د گەل دا بن، ب ڤێ چەندێ ژی پلێن گەرمێ دێ نزم بن”.
دەستەیا کەشناسیێ خویا ژی کر، رۆژا چارشەمبی 26/10 پلێن گەرمێ ل ھەموو دەڤەرێن ھەرێما کوردستانێ و عیراقێ دێ ب رەنگەکێ بەرچاڤ نزم بن و پێشبینی دھێتە کرن باران ژی ب باریت و بریسی ژی د گەل دا بن.

کۆمێنتا تە