پێشمه‌رگه خوه ل وان جهان ناڤه‌كێشیت یێن به‌رى شه‌رێ مووسل ستاندین
ئه‌ڤرۆ نيوز:
فه‌رمانده‌یا گشتى یا هێزێن چه‌كدار ل هه‌رێما كوردستانێ دیاركر كو پێدڤیه رێككه‌فتنه‌كا نوو ل سه‌ر وان ده‌ڤه‌ران بهێته كرن كو پشتى ئۆپه‌راسیونا مووسل پێشمه‌رگه‌ى كۆنترۆل كرین و پێشمه‌رگه ل وان جهان خوه ناڤه‌كێشیت كو به‌رى ده‌ستپێكرنا ئوپه‌راسیونا مووسل كۆنترۆل كرین.
سه‌باره‌ت ئۆپه‌راسیونا رۆژئاڤا مووسل و ته‌له‌عفه‌ر و شنگال، فه‌رمانده‌یا گشتى یا هێزێن چه‌كدار ل هه‌رێما كوردستانێ دیاركر كریه” ل هنده‌ك جهان خه‌رقا رێككه‌فتنان هاتینه كرن، ل گه‌ل وێ یه‌كێ ژى هه‌تا داعش مابیت، ئارمانجا مه نه‌هێلان و ژ ناڤبرنا داعشه، به‌لێ ئه‌گه‌ر ب خه‌یالا هنده‌ك كه‌سێن ناڤ حه‌شدا شه‌عبى و چه‌ند كوردێن نیشتمان فروش ئه‌و بیت كو شه‌رێ داعش ل وێ ده‌ڤه‌رێ ئیستغلال بكه‌ن بۆ دروستكرنا كێشان بۆ ئاكنجیێن ده‌ڤه‌رێ و پێشمه‌رگه‌ى و زێده‌كاڤیانب بۆ سه‌ر ئاخا كوردستانێ بكه‌ن، ئه‌ڤه ئه‌م دبێژینه وان كو چ هێزه‌ك نه‌شێن و ماف نینه بهێته ناڤ ئاخا كوردستانێ و سه‌باره‌ت چاره‌نڤیسێ شنگالێ ژى، ب تنێ خه‌لكێ شنگال دێ بریارێ ل سه‌ر چاره‌نڤیسێ خوه ده‌ت و رێ ناهێته دان چ لایه‌نێن دى بڕیارێ ل سه‌ر خه‌لكێ وێ ب سه‌پینن”.
