پێشمەرگەیێن خانەنشین یێن ئیلۆنێ و گولانێ ل زاخۆ دێ پارچەیێن ئەردی وەرگرن
زاخۆ، دلۆڤان هالۆ:
عەبدوللا بشار ئاغا، بەرپرسێ دەزگەهێ ئیلۆن و گولانێ ل ئیدارەیا سەربخوە یا زاخۆ بۆ ڕۆژناما ئەڤرۆ دیار كر كو ناڤێن هزار و 476 پێشمەرگەیێن خانەنشین یێن ئیلۆنێ و گولانێ بۆ وەرگرتنا پارچەیێن ئەردی گەهشتنە سەرۆكاتیا باژێڕڤانیا زاخۆ.
بەرپرسێ دەزگەهێ ئیلۆن و گولانێ ل زاخۆ گۆت: «مە ناڤێن هزار و 884 پێشمەرگەیێن خانەنشین یێن ئیلۆنێ و گولانێ ڕەوانەی وەزارەتێ كربوون، د نوكە دا ناڤێن بەهرا پتریا وان هاتینە، و یێن ماین ژی دێ ناڤێن وان هێن».
گۆت ژی: «جهێ كەیفخوەشیا مەیە، كو ناڤێن پێشمەرگەیان بۆ وەرگرتنا پارچەیێن ئەردی هاتین، ئەم سوپاسیا مەسرور بارزانی، سەرۆكێ حوكمەتا هەرێما كوردستانێ دكەین، كو بڕیار دایی پارچەیێن ئەردی ل سەر پێشمەرگەیێن خانەنشین بهێنە بەلاڤكرن».
