پێشڤەچوونا دەڤەرا پیشەسازی یا خوارنێ ل كانی سپییێ و بەخشینا مۆلەتێن نوو بۆ سێ پڕۆژەیان
دلۆڤان ئاكرەیی:
ڕێڤەبەرێ گشتی یێ وەبەرهێنانێ ل پارێزگەها دهۆكێ دیاركر، د چوارچۆڤەیێ گەشەپێدانا كەرتێ پیشەسازی و بازرگانی و دابینكرنا ژێرخانەیەكا بهێز ل پارێزگەها دهۆكێ و بەرفرەهكرنا پڕۆژەیێ ستراتیجی یێ دەڤەرا پیشەسازی یا خوارنێ ل كانی سپییێ ل دەڤەرداریا سێمێلێ، ب ڕێكا دانا مۆڵەتێن نوی بۆ چەندین پڕۆژەیێن بازرگانی و كۆگەهان بەردەوامە و دنوكەدا رێڤەبەریا مە رێ ب سێ پڕۆژەیێن نوی یێن كۆگەهان ل كەرتێ ١١ یێ وێ دەڤەرا پیشەسازیا خوارنی دایە.
د.هەڤال سەدیق، رێڤەبەرێ گشتیێ وەبەرهێنانا پارێزگەها دهۆكێ بۆ رۆژنامەیا (ئەڤرۆ) گۆت: وان وەك ڕێڤەبەریا وەبەرهێنانێ ل دهۆكێ مۆڵەت ب پڕۆژەیێ كۆگەهێن بەرهەڤ ب ژمارە (١٨٥٤/د) لسەر رووبەڕێ پارچا ١٩٢٥٧/١ كەرتێ ١١/ سێمێل ب ڕووبەرێ ١,٥٠٠ م2 ب سەرمایەیێ ٢٨٩ هزار دۆلارن دایە و دێ د ماوەیێ دوو ساڵان دا هێتە بجهئینان كو پرۆژە پێكهاتیە ژ پڕۆژەیێ، كۆگەهێن كەلوپەل و كەرەستەیێن خوارنێ، ئۆفیس و خزمەتگوزاری و زێدەباری وێ مۆڵەت ب پڕۆژەیێ كۆگەهێن دلشاد سەدیق ب ژمارە (١٨٥٥/د) ل پارچا زەفیا ١٩٢٠٤/١ كەرتێ ١١/ سێمێل ب ڕووبەرێ ١,٥٠٠ م2 ب سەرمایەیێ ٢٢٠ هزار دۆلارن و دێ دماوەیێ ٢ ساڵان دا هیتە بجهئینان كو پرۆژە پێكهاتیە ژ كۆگەهێن كەلوپەل و كەرەستەیێن خوارنێ، ئۆفیس و خزمەتگوزاری و جودا لڤان پرۆژەیان مۆڵەت ب پڕۆژەیێ كۆگەهێن فەرەست فاچل ب ژمارە (١٨٥٦/د) ل سەر پارچە زەفیا ١٩٢٢٩/١ كەرتێ ١١/ سێمێل ب ڕووبەرێ ١,٥٠٠ م2 ب سەرمایەیێ ٢٥٠ هزار دۆلارن هاتیە دان و بریارە دماوەیێ ٢ ساڵان دا بهێتە بجهئینان كو پرۆژە پێكدهێت ژ كۆگەهێن كەلوپەل و كەرەستەیێن خوارنێ، ئۆفیس و خزمەتگوزاری.
د.هەڤال سەدیق ئاشكراكر، پڕۆژەیێ ستراتیژی یێ دەڤەرا پیشەسازی یا خوارنێ یێ كانی سپییێ مۆڵەتا وەبەرهێنانێ یا ژمارە (١٠٤٠) ل ڕێكەفتی ٢١/٢/٢٠٢١دا وەرگرتییە، كو ڕووبەرێ گشتی یێ ڤێ دەڤەرا پیشەسازی دبیتە ١٤٢٣.٧ دۆنەم.
