پێنج چه‌كدارێن داعش هاتنه كوشتن
ئه‌ڤرۆ نیۆز، قائید میرۆ
ب ئه‌گه‌رێ بۆردومانا فڕۆكه‌یێن هه‌ڤپه‌یمانان ل میحوه‌رێ رۆژئاڤایێ دیجله پتری پێنج چه‌كدارێن داعش هاتنه كوشتن.
عه‌قید دلشاد مه‌ولوود، به‌رپرسێ هۆبا راگه‌هاندنا فه‌رماندا زێره‌ڤانی ب ئه‌ڤرۆ نیۆز راگه‌هاند” پشتی نیڤرۆیا ئه‌ڤرۆ فڕۆكه‌یێن هه‌ڤپه‌یمانان ل گوندێ ته‌شتێ یێ میحوه‌رێ رۆژئاڤایێ دیجله بنكه و باره‌گایێن تیرۆرستێن داعش بۆردومانكرن و زیانێن مه‌زن گه‌هاندن تیرۆرستێن داعش.
دلشاد گۆت ژی” ل گوره‌ی زانیاریێن فه‌رمانده‌یێن پێشمه‌رگه‌ی د ئه‌نجامێ ئه‌ڤێ بۆردومانێ دا، پتری پێنج چه‌كدارێن داعش هاتنه كوشتن و زیانێن مادی ژی گه‌هاندن بنكه و باره‌گایێن داعش.
