پێنج یانا ھەڤرکیا یاریکەرەکێ ١٨ سالی کەن
ئەڤرۆ نیوز:
یانا مانچستەر یوناید یا ئینگلیزی ژی ھاتە دناڤا ھەڤرکیا ب دەستڤە ئینانا ستێرا گەنج یا ھەلبژارتیێ بەلجیکا و یانا ئەندرلەخت یا بەلجیکی یوری تیلیمانس بۆ ڤەگوھاستنێن ھاڤینا بھێت.
رۆژنانا ستار یا ئینگلیزی دیارکری یە راھێنەرێ یانا مان یوناید لویس ڤانگال دو کەس بۆ دیتنا یاریا یاریکەری ھنارتبوونە وەلاتێ بەلجیکا ل یاریا رۆژا پێنج شەمبیا بوری ژ قارەمانیا خولا ئورۆپی و ماوەکە یانا مانچستەر یوناید دیڤچوونا ئەڤی یاریکەری کەن.
ھەمان رۆژنامێ ئاماژە ب وێ چەندێ ژی کری یە یوری یێ ١٨ سالی ئەوێ بھایێ ڤەگوھاستا وی نوکە گەھشتی یە ٣٠ ملیون جینێ ئیسترلینی، نوکە بوویە گرنگیا ھەر ئێک ژ یانێن چێلسی، مانچستەر سیتی، ئیفرتون و ئەستونڤێلا و ئەڤ پێنج یانێن ئینگلیزی ھەڤرکیا دەستڤە ئینانا ئەوی کەن و چاڤەرێ دھێتەکرن ل ھاڤینە بھێت یاریکەر یاریێ ل ئێک ژ ئەڤان یانا بکەت.