پێنگاڤ دێ پشکداریێ د فیستەڤالەکێ ل لەندەن کەت
ئەڤرۆ نیوز ، زنار تۆڤی:
كورتە فلمێ (پێنگاڤ) یێ دەرهێنەرێ كورد (مازن شێربەیانی)، د درێژاهیا پشکداریا خوە د فیستەڤالێن نێڤدەولەتی دا، ل بەشێ پێشبرکیا فیستەڤالا (CineShot Film Festival) ل باژێرێ لەندەن دێ پشکداریێ کەت. د ئەڤ سالەدا ئەڤە جارا دەهێ یە ئەڤ فلمە پشکداریێ د فیستەڤالێن نێڤدەولەتیدا دکەت، هەتا نوکە سێ خەلاتی وەرگرتینە.
مازن شێربەیانی بۆ ئەڤرۆ نیوز گۆت: دڤی فلمی دا هونەرمەندێ ناسیار یێ كورد (ناسر حەسەن) وەكو رێڤەبەرێ بەرهەمی و وەكو ئەكتەرێ سەرەكی پشکداری تێدا كریە، هەر ئێک ژ (ئاواز ئەحمەد، ئیسماعیل قادر، مازن عەزیز، یارا رێباز و سیپان كەیفی) دڤی فلمیدا رول گێراینە، هەروەسا دیمەنێن ڤی کورتە فلمی ل باژێرێ كۆیە هاتینە وێنە کرن، ماوێ ڤێ فلمی (15) خولەكن، ستافێ بەرهەم ئینانا فلمی ژی پێكهاتینە ژ (راكور سینا سامر) هاریکارێ دەرهێنەری (ئاریان سەلاح) وێنەگر (وەلید نەجار) دیزاینەر (ئدریس عەبدی).
