پێگوتن ب به‌ژنوبالا هه‌لبرژاتنان!
ئه‌حمه‌د عارف ئامێدى
ل ناڤا بانگه‌شه‌یا هه‌ر پرۆسه‌كا هه‌لبژارتنان چ ناڤخوه‌یى بن چ د په‌رله‌مانى بن، یان سه‌رۆكایه‌تى ل هه‌ر وه‌لاته‌كێ جیهانێ، هه‌ڤڕكێن به‌ربژار به‌رنامه‌یێن خوه یێن هه‌لبژارتنان دداننه پێش هه، ژ دابینكرنا خزمه‌تگوزاریان و ئه‌رزانكرنا بوهایێن كه‌لوپه‌لێن و كه‌ره‌سته‌یێن بازارى و هه‌ولا كێمكرنا باجه و دانا رسۆماتان ژ وى تشتێ ل ڤان وه‌لاتان هه‌یى، و ل گه‌ل نێزیكبوونا پرۆسێسا هه‌لبژارتنان ل ئیراقێ ب ره‌نگه‌كێ گشتى و ل هه‌رێمێ ب ره‌نگه‌كێ تایبه‌ت، به‌ربژار دێ هه‌وێن خوه ل ده‌مه‌كێ نێزك ده‌سپێكه‌ن، ئه‌ڤجا هنده رێكخراوێن جڤاكێ مه‌ده‌نى یێن سه‌ر ب هنده حزب و قه‌باران ڤه، ب دابه‌شكرنا دیاریان و دانا پێشینه‌یان و پێشكێشكرنا هاریكاریان، هه‌ر وه‌سا هنده‌كێن دیتر ریكلامه‌كا نوو داهێنایه ب رێیا پرۆژه‌یێن هه‌مه‌جۆر ل هه‌مان ده‌مێ ڤان رویدانێن هه‌لبژارتنان ب پێشكێشكرنا خزمه‌تان.
هنده لایه‌نێن سیاسى یێن دن رابووینه ب ئستیغلالكرنا حوكمه‌تا هه‌رێمێ و ب پێگۆتن و خوه‌شرینكرنێ بۆ هنده جهێن سه‌ر ب لایه‌نێن ناڤخوه‌ى و ده‌ره‌كى ڤه، یان فلان لایه‌نى و یێ هه‌نێ، كو خه‌لكه‌كى بزڤریننه ڤه سه‌ر جه و كارمه‌ندیێن وان، ب هه‌ولا بده‌سڤه‌ئینانا ره‌زامه‌ندیا وان و پاشى ده‌نگێن وان د پرۆسێسا هه‌لبژارتنێن داهاتى دا، و ب راستى ئه‌ڤ تشته لسه‌ر هنده لایه‌نان دهێنه سه‌پاندن كو د رێزا ئۆپۆزسیۆنێ دا بوون، لێ ب هۆیێ چوونا وان بۆ سه‌ر هێلا هه‌وێن پێگۆتنان ب هه‌لبژارتنان، ئه‌ڤ چه‌نده بوویه سه‌ده‌ما سه‌رسۆرمانیا ناڤه‌ندێن سیاسى و مللى، نه‌مازه كو درووشمێن وان به‌ره‌ڤاژى ڤێ گوهۆرینا وان بوویه یا به‌رى نها ب به‌راوه‌ردى ل گه‌ل وان درووشمێن نهو ئه‌و رادكه‌ن.
تشتێ هه‌رى گرنگ لده‌ف مه ل هه‌رێما مه یا پێشكه‌فتى و شارستانى، ئه‌و پاشگوه هاڤێتن و فه‌رامۆشكرنا هه‌ستا مه‌لیۆنه‌ها ئیراقیان ژ قوربانیێن رژێما روخیایى ب ره‌نگه‌كێ گشتى، بۆ زانین گه‌له‌ك ژ وان نه‌گه‌هشتینه مافێن خوه یان ته‌نها ب ره‌نگه‌كێ وه‌ڕیى قه‌ربۆ بكه‌ن ب كێمترین هه‌لسه‌نگاندن، و هێشتا گه‌له‌كێن دیتر یێن لدۆر ده‌وله‌تێ دزڤرن ژبۆ بده‌ستڤه‌ئینانا به‌لگه‌یێن فه‌رمى كو زیانپێكه‌فتنا وى بپه‌ژرینیت ژ رژێما به‌رێ، و هنده‌كێن دیتر هێشتا یێ ل گۆڕێن ب كۆم ل نیشانه‌كێ ژ قۆربانیێن خوه دنێرن، و ئه‌ڤه نه‌خۆشى و تێكۆشان و زیانڤێكه‌فتى و رۆندكێن دایكان ئه‌وێن هشك نه‌بووین، و شوونوارێن ئاشكه‌نجه‌دانێ ئه‌وێن نه‌هاتینه مه‌حوه‌كرن، و ئه‌ڤ هه‌موو تشته و هێشتا ئه‌م یێن پێگۆتنا ب به‌ژن و بالا هه‌لبژارتنان دبیستین، ل ڤێره و وێرا هه‌نێ، كو ریكلاما هه‌لبژارتنان هێشتا ده‌ستپێنه‌كرى و په‌یڤه‌كا داویێ بۆ ده‌نگده‌رى دبێژم : خودێ هاریكارێ مه بیت ژ ڤان پێگوتنان.
