پێگوھورێ ئیکاردی ل ئیسپانیا دیتی یە
ئەڤرۆ نیوز:
ماوێ زێدەتر ژ ھەیڤەکێ یە یانا ناپولی دەست ب دانوستاندنان کریە بوو دەستڤە ئینانا ھێرشبەرێ ئەرژەنتینی و یانا ئەنتر میلان یا ئیتالی لێ ل دیڤ گوتنا رۆژنامەیەکا ئیتالی بەرپرسێن یانا ناپولی دێ خوە ژ ھەڤرکیا دەستڤە ئینانا وی ھێرشبەرێ ئەرژەنتینی خوە ڤەکێشیت پشتی یانا یوڤانتوس ب ھێز کەڤتیە د ھەڤرکیێ دا و موچەیەکێ مەزنتر پێشکێشی ئەوی یاریزانی کری.
مالپەرێ کاتشیو مێرکاتو یێ ئیتالی دیارکریە یانا ناپولی پشتی د ڤەگوھاستنا ئیکاردی دا ب سەرنەکەڤتی دخوازیت ھەڤبەستێ ل گەل ھێرشبەرێ ئیسپانی و یانا ڤالنسیا رودرێگو مورینو ئیمزا بکەت ئەوێ ل وەرزێ بوری شیای ئاستەکێ بلند ل گەل یانا خوە پێشکێش بکەت.
ھەردیسان ئەوێ رۆژنامێ ئاشکرا کریە ژی چاڤەرێ دھێتەکرن ل چەند رۆژێن بھێت بەرپرسێن یانا ناپولی بەر ب وەلاتێ ئیسپانیا ڤە بچن بۆ دەست ب دانوستاندنان ل گەل بەرپرسێن یانا ڤالنسیا .
