پێگوھورێ نمونەی ل جھێ وی دەستنیشانکر
ئەڤرۆ نیوز:
یانا مانچستەر یونایتد یا ئێنگلیزی پێگوھورێ نمونەی بو ھێرشبەرێ خوە یێ سویدی زەلاتان ئیبراھیموڤیچ د ڤەگوھاستنێن زڤستانێ یێن یاریزانان دا دەستنیشانکریە.
ھەڤبەستا یاریزانێ سویدی لگەل یانا ئێنگلیزی ل دووماھیا وەرزی دێ ب دووماھی ھێت و چو ئاماژە نینن بو نووکرنا ھەڤبەستا وی نینن و ئەف یاریزانە گەلەک دھێتە ڤەگوھاستن ل ناڤبەرا یانان دا و شیایە د ماوەکێ کورت دا بو چەند یانا بھێتە ڤەگوھاستن.
ل دووڤ پەیامەکێ روژنامەا ریکورد ئاشکەراکریە کو راھێنەرێ یانا مانچستەر یونایتد جوزێ مورینھو یێ پرتوگالی دخوازیت وەلاتیێ خوە ئەندریە سێلفا ھێرشبەرێ پورتو بینتە ناڤا پێکھاتیێ خوە ئەوێ نوکە بویە جھێ گرنگیدانا چەند یانێن دی یێن مەزن ل ئوروپا مینا ریال مەدرید و بەرشەلونە و مانچستەر سیتی.
ڤی یاریزانی ل ڤی وەرزی ل گەل یانا پورتو پشکداری ١٤ یاریان بویە و تێدا نەە گول تومارکرینە و دیسان چەند گول بو ھەلبژارتیێ وەلاتێ خوە ژی تومارکرینە.
سیلفا بو جارا ئێکێ ل گەل یانا پورتو ل کانینا دویێ یا سالا بوری ھاتیە دیتن و پشتی نیشاندانا ئاستەکێ بلند ھەڤبەستا وی ھاتینە نوکرن ل گەل ھەبونا مەرجێ سزای ب ٦٠ ملیون یورویان.
