پەرتووكا پێشمەرگە ل كوبانێ كەفتە بەردەستێ خواندەڤانان
ئەڤرۆنیوز، سالار دۆسكی:
ل سپێدەیا ئەڤرۆ چارشه‌مبى ئێكێ تەباخێ ل هۆلا خانی ل سەرۆكاتیا زانكۆیا دهۆكێ، ب بەرهەڤبوونا چەندین سەركردێن پێشمەرگێ كوردستانێ ئەوێن پشكداری دئازادكرنا كوبانێ دا كرین و سەرۆكێ زانكۆیا دهۆكێ، پەرتووكا پێشمەرگە ل كوبانێ یا نڤيسەر هەلز عەلی سەلیم هاتە ئیمزاكرن.
ل دەسپێكێ لیوا (قهار دۆسكی) ئێك ژ فەرماندێن پێشمەرگێ كوردستانێ كو پشكداری دئازاكرنا باژێرێ كۆبانێ دا كربوو، بەحسێ قه‌هرەمانیا پێشمەرگێ كوردستانێ كر ل شەری دژی داعش و رۆلێ بەرچاڤێ پێشمەرگەی كو ل بن سەرپەرشتیا سەرۆك بارزانی شیان ل ده‌مه‌كێ كێم ب پشتەڤانیان شەرڤانان و هەڤپەیمانان كوبانێ ژ دەستێ داعشێ رزگاربكەن و نەهێلن بكەڤیت.
هەڤدەم، نڤیسەرا پەرتووكێ هەلز عەلی سەلیم بەحسێ ناڤەرۆكا پەرتووكێ كر ودياركر كو ده‌مێ حەفت هەیڤان ب پەرتووكێ‌ڤه مژوول ببوو و ب هاریكاریا چەندین هەڤالان و پشتەڤانیا پارێزگەرێ دهۆكێ پەرتووك هاتیە چاپكرن.