پەرتووکەك ڤالا
رۆندك مزووری
ناڤێ تە دێ ل سەر نڤێسم
دەمە تە ب دیاری
پەرتووك ب هەناسەیێن خۆ
چاڤەڕێی هاتنا تە دکەت
حبرێ پێنڤیسێ تە
دێ بیتە ڕۆناهییا
ڕۆپەلێن وێ
هەکە ل سەر ژیانا خۆ بنڤێسی
دێ بنە بیرەوەری
ل سەر عەشقێ بنڤێسی دێ بنە هەلبەست
ب ئارامی، بێدەنگی
ژ دویرڤە دێ خوینم
ب دلەکێ تو نابینی
ئەز دێ بینم
هەکە من ناڤێ خۆ
د ناڤ گۆتنێن تەدا دیت
نە ب تنێ دێ بییە
نڤیسەرێ وێ
لێ دێ بییە ناڤێ وێ و
ئەز ژی دێ بمە
چیڕۆکەکا بێ دووماهی و
دێ بمە ناڤەڕۆکا وێ.
