پەرلەمانتارێن ئیرانێ پشتەڤانیێ ل قالیبافی دکەن
٢٦١ ئەندامێن پەرلەمانێ ئیرانێ پشتەڤانیا خوە بۆ محەمەد باقر قالیباف و شاندێ دانوستاندنێ یێ ل گەل ئەمریکا دیار کرن و راگەهاندن، هندەک هێز ل ئیرانێ ناخوازن ب رێیا دانوستاندنان پرسێن هەی بهێنە چارەسەرکرن و هەکە رێگری ل وان کەسان نەهێتە کرن دێ ئیران تووشی قەیرانەکا گەلەک مەزن یا ئابووری و سیاسی بیت و وەکو نوونەرێن گەلێ ئیرانێ ئەو پشتەڤانیێ ل قالیبافی وەکو سەرۆکێ شاندێ دکەن و دڤێت دانوستاندنێن ل گەل ئەمریکا ژی بەردەوام بن هەتا پرسێن هەی ب تەمامی بهێنە چارەسەرکرن.
پەرلەمانتارێن ئیرانێ ئەو یەک ژی دیار کرینە، بەردەوامیا رەوشا نها یا ئالۆز دێ کاریگەریێن خوە یێن گەلەک خراب ل سەر ژیانا خەلکی ل ئیرانێ هەبیت، دیارە هندەک کەس د خەما خەلکی دا نینن، چونکی قەیرانا ئابووری دێ کاریگەریەکا خوە یا گەلەک خراب ل هەموو کەرتێن ژیانێ کەت.
