پەرلەمانتارەکێ بەرێ: ناعەدالەتیا نوکە دێ عێراقێ بەرەف دابەشبوونێ بەت
ئەڤرۆ نیۆز، قائید میرۆ:
پەرلەمانتارەکێ خۆلا بۆری یا پەرلەمانێ عێراقێ ئاشکراکر، ب ئەگەرێ بنپێکرنا دستوورێ عێراقێ مووچێ وەلاتیێن ھەرێما کوردستانێ ھاتیە بڕین و دبێژیت، عێراق یا بەرەف دابەشبوونێ دچیت و ناعەدالەتی ھەیە دناڤبەرا دەڤەرێن عێراقێ .
خۆشەڤی خەلیل، پەرلەمانتارێ بەرێ یێ عێراقێ بۆ ئەڤرۆ نیۆز دیارکر”وەلاتیێن عێراقێ و ھەرێما کوردستانێ دخوازن مافێن وان بھێنە گەرەنتی کرن، گورەی دستووری مافێن ھەموو وەلاتیان د پاراستینە، مخابن بجەئینانا دستووری ھاتیە سیاسی کرن و ب نڤیسارەکێ دستوور دھێتە بنپێکرن و نانێ وەلاتیان دھێتە بڕین.
ئەڤی پەرلەمانتارێ بەرێ یێ عێراقێ گۆتژی” پێدڤیە نەفرەت ل وان کەس و لایەنان بھێتەکرن یێن دەست ھەی ل بڕینا مووچێ فەرمانبەران و بھێنە شەرمەزارکرن، چونکە بڤێ چەندێ دێ عێراق بەرەف دابەشبوونی چیت، بتایبەتی کورد بێ ھیڤی بووینە ل دەولەتا عێراقێ، ژ بەر کو ناعەدالەتی دھێتەکرن دناڤبەرا دەڤەرێن عێراقێ.
خۆشەڤی خەلیل ئاماژەکر” پێدڤیە ڤێجارێ کورد ئێکگرتی بن بۆ دەربازکرنا ئەڤێ قۆناغا دژوار و ھزر بکەین باشترین چارەسەر بھێتە دیتن بۆ خۆشکرنا ژیانا وەلاتیان.
