پەرلەمانتارەکێ پارتی: ل رۆژێن داھاتی شاندێ پارتی دێ سەرەدانا ئێکەتیێ و گۆڕان کەت
ئەڤرۆ نیوز، قائید میرۆ:
بڕیارە ل چەند رۆژێن داھاتی شاندێ بلندێ پارتی دیموکراتی کوردستان سەرەدانا لایەنێن سیاسی بۆ پێک ئینانا کابینا نوو یا حوکمەتا ھەرێما کوردستانێ و پەرلەمانتارەکێ پارتی ژی دبێژیت، دەستپێکێ دێ پرسا دەستەیێن سەرۆکاتیێ دگەل ئێکەتیێ و گۆڕان ئێکلا کەین.
زانا مەلا خالید، پەرلەمانتارێ پارتی ل پەرلەمانێ کوردستانێ بۆ ئەڤرۆ نیوز دیار کر کو پارتی لیژنا بلندا دانوستاندنان پێک ئینایە و ل دەمەکێ نێزیک دێ سەرەدانا ئێکەتیێ و بزاڤا گۆڕان کەت بۆ ئێکلاکرنا پۆستێن سەرۆکاتیێن ھەرێما کوردستانێ و گۆت: “پارتی دخوازیت ئێکەم پرس دێ دەستەیا سەرۆکاتیا پەرلەمانی ئێکلاکەت داکو پەرلەمان بشێت بەربژارێ پارتی بۆ پێک ئینانا کابینا حوکمەتێ راسپێریت”.
پەرلەمانتارێ فڕاکسیۆنا پارتی ئاشکرا کر کو پارتی دێ پرسا کاراکرنا قانوونا سەرۆکاتیا ھەرێما کوردستانێ ژی دگەل ئێکەتیێ و گۆڕان ئێکلاکەت، ھەکە راستڤەکرن ژی بۆ بھێتەکرن دێ دانوستاندن ل سەر ھێنەکرن و پارتی دێ سەرۆکاتیا ھەرێما کوردستانێ کاراکەت.
ل دۆر ژڤانێ پێک ئینانا کابینا حوکمەتێ زانا مەلا خالد خویا کر کو چو ژڤان نەھاتینە دیارکرن، بەلێ پشتی دەستپێکرنا دانوستاندنان دێ گەھینە ھندەک ئەنجامان، کو دێ حوکمەت کەنگی ھێتە پێک ئینان.