پەرلەمانێ ئۆرۆپا هۆشداریێ ددەتە تورکیایێ
هژمارەک زێدە ژ ئەندامێن پەرلەمانێ ئۆرۆپا د نامەیەکێ دا نەرازیبوونا خوە ل هەمبەر تورکیا دیار کرینە و د نامەیێ دا هاتیە دیار کرن کو ل تورکیا دەستهەلات رێز ل ئیرادەیا دەنگدەران ناگریت و نوونەرێن خەلکی یێن کو دهێنە هەلبژارتن ژ ئالیێ دەستهەلاتێ ڤە یان ژ کاری دهێنە دوورخستن یان ژی دهێنە زیندانی کرن و ئەو یەک ژی ل دژی قانوونێن ئێکەتیا ئۆرۆپا یە.
د نامەیێ د کو ژ بۆ وەزارەتا ناڤخوە یا تورکیا هاتیە شاندن ئەو یەک ژی هاتیە دیار کرن کو نها ل تورکیا ئاریشەیا دیموکراسیێ هەیە و سازیێن دەولەتێ رێزێ ل دەنگێ خەلکی ناگرن، دڤێت نوونەرێن هەلبژارتی یێن خەلکی بهێنە ئازاد کرن و گرنگە تورکیا ل گۆر قانوونێن ئێکەتیا ئۆرۆپا کار بکەت، چونکی تورکیا بەری نها ئەو قانوون پەسەند کرینە و سۆز دایە دێ ل گۆر وان قانوونان کار کەت، لێ مخابن رەوشا نها یا تورکیا گەلەک خرابە.
