چاره‌سه‌ریا هه‌موو جۆرێن پەنجەشێرێ هاتیه دیتن
ئەڤرۆ نیوز:
زانا دیار دکەن، کو د سیستەمێ به‌رگریا له‌شێ مرۆڤیدا چاره‌سه‌ریەکا نوو هاتیە دیتن، کو دهێتە بكار ئینان بۆ چاره‌سه‌ركرنا هه‌موو جۆرێن پەنجەشێرێ.
مالپەرێ بی بی سی یێ بریتانی بەلاڤ کریە، كو تیمەکا نۆشداری ل زانكۆیا كاردیف ل بریتانیا، رێیەکا نوو دیتیە بۆ كۆنترۆلكرنا هه‌موو جۆرێن پەنجەشێرێ، ب تایبه‌ت پەنجەشێرا پرۆستاتا و مه‌مكان و بۆریێن هه‌ناسێ، د نوکە دا ل ژێر ئه‌زموونان دایە ل تاقیگەهێ.
هەر چەندە هەتا نوکە ئه‌ڤ رێیە تاقینه‌كریە ل سه‌ر نه‌خۆشان، به‌لێ ڤەکوله‌ر دبێژن، ڤێ دیتنێ دێ رۆلەکێ باش هەبیت بۆ چاره‌سه‌ریا ڤێ نه‌خۆشیێ.
ئاندرۆ سیویل مامۆستایێ زانكۆیا كاردیف دبێژیت، ئه‌ڤە دەلیڤەکە بۆ چاره‌سه‌ركرنا هه‌موو جۆرێن پەنجەشێرێ و بەری نوکە چ كه‌س نه‌شیایە ڤی كاری بكەت.
