چارەسەریەکا نوو بۆ لاوازیا سیکسی ل نک زەلامان
ئەڤرۆ:
ھەر ژ دەستپێکا بەلاڤبوونا وان ل سالا 1998 حەبکا شین “ڤیاگرا” وەکو دیار یەیکێ بوو ژ ئەسمانان بۆ زەلامێن د بیاڤێ سیسکی دا دلاواز، ئەڤرۆ چارەسەریەکا نوو دەرکەفتیە بۆ چارەکرنا لاوازیا لڤینا ئەندامێ نێراتیێ بۆ دەمێ دو سالان.
چارەسەری ب لێدانا کارەبێ:
ڤەکۆلینێن کەڤن وەسا دیار کربوو کو چارەکرنا ب لێدانێن پێلێن کارەبێ بۆ دلی دبیت یا ھاریکار بیت بۆ دەمارێن خوینێ و زڤرینا خوینێ، نۆشدار دبێژن ھەما شێواز دێ یێ ھاریکار بیت بۆ سڤککرنا لاوازیا سیسکسی یا ژ ئەنجامێ نە گەھشتنا خوینێ پەیدا دبیت، نۆشداران دارەک بکارئینا کو یێ گرێدای ئامیرەکێ کارەبێ یە بۆ ھنارتنا ھندەک لێدانێن بچووک ئێکسەر بۆ ئەندامێ نێراتیێ.
“فیگای سانگاری” نۆشدارێ شیرەتکارێ کوئەندامێ میزی ل نەخۆشخانا سبایر مانچستەر ل بریتانیا ئەوێ ڤێ چارەسەریا نوو بکاردئینیت یا ناسیار ب ناڤێ “EDهزار” دیار کر کو وزەک ژ ڤی ئامیری دەردکەڤیت و ئاستێ وەرارێ زێدە دکەت و ئەڤە ب رۆلێ خوە ھندەک دەمارێن نوویێن خوینێ بەرھەمدئینیت، ئەڤ دەمارە ئاریشا گەھشتنا خوینێ چارە دکەن و دبیتە ئەگەر ئەڤ نەخۆشیە ب ئێکجاری چارەبیت، سەرەرای کو لێدانا پێلێن کارەبێ ئێکسەر بۆ ئەندامێ نێراتیێ یا ب ژانە بەلێ نۆشدارێ ناڤبری دیار کر کو ئێشان و باندۆر ل سەر مرۆڤی نابن.
ئەڤ ئامیرە ل ئیسرائیلێ ھاتیە چێکرن و پاشی دێ بۆ ئەمریکا ھێتە ھنارتن.
چارەسەری ب ڤی ئامیرێ نوو پێدڤی 12 حەفتیان ھەیە بۆ لێدانێن کارەبێ و پشتی ھینگێ رەوشا ئەندامێ نێراتیێ باش دبیت و بۆ دەمێ دو سالان دێ ژ دەرمانان دوورکەڤیت.
