چار رەڤاندیێن دێ یێن ئێزدی هاتنە رزگاركرن
ئەڤرۆ نیوز، لەزگین جۆقی
رێڤەبەرێ نڤیسێنگەها رزگاركرنا رەڤاندیێن كوردێن ئێزدی ل دهۆكێ دیاركركو چار رەڤاندیێن دێ یێن كوردێن ئێزدی ژدەستێن تیرۆرستێن داعشێ هاتنە رزگاركرن.
حوسێن قائێدی، رێڤەبەرێ نڤیسێنگەها رزگاركرنا رەڤاندیێن كوردێن ئێزدی ل دهۆكێ بۆ ئەڤرۆ نیوز راگه‌هاند” دده‌مێ 24 دەمژمیرێن بۆرێدا چار رەڤاندیێن دێ یێن ئێزدی هاتنە رزگاركرن كو سێ ژوان خەلكی گوندی كوچۆ نە و ئێك ژی خەلگا گرعزیر كو خووشكا شەهید جیلانێ يه ئەو كچا ئێزدی یا نەهیڵاى تیرۆرستێن داعشێ خیانەتی لی بكەن”.
ل تەباخا سالا 2014 ل قەزا شنگال 6417 كەس هاتبوونە گرتن و رەڤاندن ژلایێ تیرۆرستێن داعش ڤە، هەتا نوكه پتر ژ 3244 رەڤاندیێن ئێزدی یێن هاتێنە رزگاركرن وهێشتا 3173 يێن ددەستی تیرۆرستێن داعشێ دا.
