چالاکڤان سەره‌دانا مووسلێ دكه‌ن بۆ دووڤچوونا گرتيێن ئێزدى
ئەڤرۆ نیوز ،باسم قاسم شنگالی
هژمارەکا چالاکڤان و کچێن رزگاربووی ژ دەستێ داعشێ ئەڤرۆ پێنچشەمبی 16/8/2018 سەره‌دانا باژێرێ مووسلێ کرن ژبۆ وێ چەندێ دووڤچوونەك ل وان زارۆکێن گرتی یێن دناڤا مالێن خەلکی مووسلێ دا بهێتە کرن.
سەباح عیدۆ، چالاکڤانێ ئێزدی بۆ ئەڤرۆ نیۆز گۆت” ئەڤرۆ ب مەرەما دووڤچوونا وان زارۆك و کچ و ژنێن ئێزدیان ئەوێن هەتا نۆکە ژی دناڤا مالێن خەلکێ مووسلێ دا و چو بۆ رزگارکرنا وان نه‌هاتيه کرن، ئەڤرۆ ئەم وەکو چالاکڤان و کچێن رزگاربووی مە سەرەدانا مووسلێ کر و داخوازا مە ئەو بو لژنەکێ دروست بکەن و ل وان زارۆك و گرتیێن دناڤا باژێری دا بکەن و رزگاربکەن” .
گۆت ژى” مە داخوازا وێ چەندێ کر چو خێزانێن دناڤ باژێرێ مووسلێ گرتیەك یان زارۆيه‌کی ئێزدی دناڤا وێ خێزانێ دا هەبێت و رادەستی کەسوکارێن وان نەکەت، بهێنە تۆمەتبارکرن ل دووڤ قانوونا هژمار 104 یا عیراقێ و ئەو ب تیرۆرست بهێنە تۆمەتبارکرن”.
