چامپیۆنز لیگ: ئه‌ڤ شه‌ڤه یۆڤێنتۆس دێ بیته مێهڤانا به‌رشه‌لونا
ئەڤرۆ نیوز:
د كڤانێ یاریێن گه‌را شه‌شێ و دووماهیێ یێن قوناغا كومان یا قاره‌مانیا چامپیۆنز لیگێ ئه‌ڤ شه‌ڤه لده‌مژمێر 11:00 یانا به‌رشه‌لونا لناڤ یاریگه‌ها كامپ نۆ دێ مێهڤانداریا یانا یوڤێنتوس كه‌ت.
هه‌رچه‌نده به‌رشه‌لونا و یوڤێنتوس ده‌ربازبووینه قوناغا داهاتی یا چامپیونز لیگێ، به‌لێ یاریا دناڤبه‌را هه‌ردو یانان دا سه‌رنجا هه‌موو جیهانێ بۆ خوه راكێشایه ژبه‌ركو پشتی بورینا دو سال و حه‌فت هه‌یڤ و سێ رۆژان هه‌ردو ئه‌فسانه‌یێن ته‌پاپێی لیونێل مێسی یێ ئه‌رجه‌نتینی و كریستیانو رونالدو یێ پورتوگالی دێ روو ب روو ئێك بن.
به‌رشه‌لونا ب 15 خالان پێشه‌نگیا كوما خوه گرتییه و یوڤێنتوس ب 12 خالان خودانا رێزا دویێ یه، هه‌كه خانما پیر بشێت لناڤ كامپ نۆ ب جوداهیا 3 گولان ژ به‌رشه‌لونا ببه‌ت ب پلا ئێكێ دێ ده‌ربازی قوناغا بهێت بیت و ره‌نگه دێ ئه‌ركێ وێ ژی ب ساناهی تر بیت.
