چاڤدێره‌ك:فوئاد مه‌عسومى چو گرنگيه‌ك بۆ كوردان نينه دپۆستێ سه‌رۆك كۆمارى دا
ئه‌ڤرۆ نیۆز،عه‌زیز هه‌ورامی:
پشتى فوئاد مه‌عسومى سه‌رۆك كۆمارێ عيراقێ دداخۆيانيه‌كا رۆژنامه‌ڤانى دا راگه‌هاندى كو ئه‌و دێ بێ لايه‌ن بيت دكێشێن دناڤبه‌را هه‌رێما كوردستانێ وبه‌غدا، ره‌خنێن توند ژئاليێن كوردستانيان ڤه بۆ هاتنه ئاراسته‌كرن.
چاڤدێرێ سياسى يونس نادر بۆ ئه‌ڤرۆنيوز گۆت” فوئاد مه‌عسوم كو ب ده‌نگ وئيستيحقاقا كوردان چوويه سه‌ر كورسيا سه‌رۆكاتيا كۆمارا عيراقێ، نه‌بوونا وى پۆستى ژ هه‌بوونا وى بۆ خه‌لكێ كوردستانێ باشتره”.
نادرى گوت ژى” فوئاد مه‌عسوم بۆ پاراستنا كورسيا خوه يێ به‌رهه‌ڤ نينه ل سه‌ر وان پێشێلكاريێن ل به‌رامبه‌ر گه‌لێ كوردستانێ دهێنه كرن ژئاليێ حوكمه‌تا عيراقێ ڤه بهێته ده‌نگ وه‌كو سه‌رۆك كۆمار”.
دياركر” پێدڤى بوو سه‌رۆك كۆمار هه‌كه وه‌كو رێزگرتن ژى با بۆ خه‌باتا شه‌ره‌شگێرى يا خوه ل سه‌ره‌مێ شوره‌شێن كوردستانێ كو خه‌بات كريه بۆ ئازادى وسه‌ربخوه‌يا گه‌لێ كوردستانێ، ده‌ستهه‌لاتێن خوه وه‌كو سه‌رۆك كۆمار بكارئينابان ورێگريێ ل پێشێلكاريان بكه‌ت كو رۆژانه به‌رامبه‌ر قه‌وارێ هه‌رێما كوردستانێ دهێنه كرن، هه‌كه بيانويا وى ئه‌و بيت كو گوهداريا وى ناكه‌ن يان سنورێ ده‌ستهه‌لاتا وى نينه، دشێت ل سه‌ر وێ كورسيێ نه‌مينيت كو ب پشكا كوردان دهێته ناڤكرن وهه‌لويستى وه‌ربگريت”.
