چێلسی ٥٠ ملیون بەرھەڤکرینە بوو ڤی یاریزانێ پاریس
ئەڤرۆ نیوز:
راھێنەرێ ئیتالی و یانا چێلسی یا ئینگلیزی ماوریسیو ساری دخوازیت ل ڤەگوھاستنێن زڤستانێ دا ھەڤبەستێ ل گەل ھێرشبەرەکێ گولکەر ئیمزا بکەت ب مەرەما ب ھێز ئێخستنا ھێلا ھێرشبەریا تیما خوە ژبەرکو نوکە ھێرشبەرێن ئەوان نە ل ئاستێ پێدڤی نە.
رۆژنامەیێن نێزیکی یانا چێلسی دیارکرینە یانا چێلسی ل سەر داخوازیا راھێنەرێ خوە کوژمێ ٥٠ ملیون حینێ ئیسترلینی ئامادەکرینە بوو دەستڤە ئینانا شیانێن ھێرشبەرێ یانا پاریس سانجێرمان ئەدیسون کاڤانی.
یانا چێلسی نوکە خودانا کێمترین رێژەیا گولا ل سەر ئاستێ ھەر شەش یانێن مەزن ل سەر ئاستێ خۆلا ئنگلتەرا کو د سەرجەمێ ٢١ ساریان دا بتنێ یاریزانێن وێ ٣٨ گول تومارکرینە .
ھەژی گوتنێ یە کاڤانی یێ ٣١ سالی د ژیانا خوە یا تەپا پێ یا پیشەکاری دا ٥١٩ یاری ئەنجامداینە و شیا ٣٢٤ گولان توماربکەت .
