چه‌كدارانی داعش هێرش ده‌كه‌ن و چه‌ندین كوژرا و بریندار هه‌یه
ئه‌ڤرۆ نیوز، عه‌زیز هه‌ورامی:
درەنگانی شەوی ڕابردوو چەکدارانی گروپی تیرۆرستی داعش لە نێوان جەلەولا و خانەقین هێرشیان کردە سەر میلشیاکانی حەشدی شەعبی و سوپا دوو کوژراو چه‌ندین برینداری لێ كه‌وته‌وه.
ئەکبەر حەیدەر جێگری لێپرسراوی لقی ١٥ـی خانەقین پارتی، بە ئه‌ڤرۆ نیۆزی ڕاگەیاند:” جوڵەکانی چەکدارانی داعش لە سنوری خانەقین و دەوروبەری بەردەوام لە فراوان بوندایە”.
ئەکبەر حەیدەر وتیشی:” درەنگانی شەوی ڕابردوو چەکدارانی داعش هێرشیان کردە سەر هێزەکانی سوپا و حەشدی شەعبی لە ئاکامی شەڕ و پێکداداندا لە ڕیزەکانی سوپا و حەشد دوو کوژراو چه‌ندین برینداری لێكه‌وته‌وه.
حەیدەر زیاتر وتی:” کوژراوی حەشدی شەعبی بەناوی عامر ئەحمەد تەمەن ٥٥ساڵ خەلکی پارێزگای دیالەیە وە کوژراوی دووەم لە سوپای عێراق حوسێن عبد تەمەن ١٩٨٣ پارێزگای بەغداد یەکێکیان پلەی فەرماندەبو”.
ناوبراو ئاماژەی بەوەدا:” تیرۆرستانی داعش چالاکییەکانیان تەواو فراوان کردووە لە سێ ڕۆژی ڕابردوو پێنچ هاوڵاتی سڤیلیان فڕاند چواریان کوشتن”.
تیرۆرستانی داعش لە ڕێگەی چەکی قەناس و چەندین جۆری تری چەک لە جۆری سوک و قورس هێرشیەکانیان ئەنجام دەدەن، هێزەکانی حەشدی شەعبی و پۆلیس و سوپا ناتوانن دۆخی ئەمنی بۆ خۆیان و هاڵاتییان دابین بکەن اکبر حەیدەر وای گوت”.
زانیاری زیاتریدا و ئاماژەی بەوەکرد:” ئەو ئۆپڕاسیۆنانەی ماوەی ڕابردوو سوپاس و حەشدی شەعبی نەی توانی ببێتە هۆی دابینکردنی ئەمنییەن و کۆتایی هێنان بە داعش، وە تیرۆرستانی داعش وەک سەلماندنی وجودی خۆیان هێرشەکانیان بۆ سەر هێزە عێراقییەکان و هاوڵاتییان زیاتر کردووە”.
