چو ماموستایێ موله‌ت وه‌رگرتى، نه رامانا وێ یه‌كێ یه كو چوویه ژ ده‌رڤه
ئه‌ڤرۆنیۆز، سالار دۆسكى:
ل دووڤ ئامارێن رێڤه‌به‌ریا په‌روه‌ردێ ل قه‌زا سێمێلێ، مامۆستایێن بێ مووله‌ت ئه‌ڤ ساله ده‌وامێ نه‌كه‌ن (151) مامۆستانه و پتر ژ (300) مامۆستا مووله‌تا ژ دایك بوونێ هه‌یه، ئه‌ڤه دبیته مه‌زنترین ئاریشه ل په‌روه‌ردا ناڤبرى .
عه‌بدوللا حه‌سه‌ن رێڤه‌به‌رێ په‌روه‌ردا قه‌زا سێمێلێ د دیداره‌كا رۆژنامه‌ڤانى بۆ مالپه‌رێ ئه‌ڤرۆ نیۆز گۆت” مامۆستایێن موله‌تا بێ مووچه وه‌رگرتین، نه هه‌موو چووینه ده‌رڤه، دبیت گه‌له‌كا نه‌خوه‌ش هه‌نه و گه‌له‌كا كاره‌كێ دى هه‌یه و مووله‌تا بێ مووچه وه‌رگرتیه، هه‌تا نوكه ل سنورێ په‌روه‌ردا سێمێلێ (151) مامۆستایێن موله‌دار هه‌نه كو بێ مووچه وه‌رگرتینه، بتنێ ل ئاماده‌یا خوانكێ(9) مامۆستا و (2) فه‌رمانبه‌ر مووله‌تا بێ مووچه وه‌رگرتینه ئانكو (11) ژ ئاماده‌یه‌كێ، ئه‌ڤ ڤالاهیه ب به‌رهه‌ڤ بێژان دێ هێنه پركرن.
