چۆپیێ كلیپەكا نوو بەلاڤكر
زنار تۆڤی
خانما سترانبێژ (چۆپی فەتاح) نووترین بەرهەمێ خۆ ب ناڤێ (چاڤێ من) كو ب شێوەزارێ كرمانجی تۆماركرییە، ب شێوێ ڤیدیۆ كلیپ بەلاڤكر.
چۆپی دبێژیت: ئەڤ بەرهەمێ من یێ نوو یێ ب ناڤێ چاڤێ من، هەلبەست یا سەلمان شێخمەمی یە، ئاوازا ڤێ سترانێ ژلایێ هێرش قازی ڤە هاتییە دانان، هەروەسا ئارام حەسەنی كارێ بەرهەمئینانێ بۆ ڤیدیۆ كلیپێ كرییە، محسن سپهری كارێ دەرهێنانێ بۆ ئەنجام دایە، ئەڤ بەرهەمە بۆ من ب تنێ كارەكێ نوو نینە، بەلكی بەرهەمەكە كو ب خۆشحالی ڤە پێشكێشی هەموو حەزژیكەرێن دەنگێ خۆ و حەزژێكەرێن سترانا كوردی و ب تایبەتی شێوەزارێ كرمانجی دكەم و د ڤی بەرهەمی دا من بزاڤكرییە جوانییا شێوەزارێ كرمانجی و تایبەتمەندیێن وی ب شێوەكێ سادە و خۆش بگەهینمە گۆهدارێن سترانان و ئەز دخوازم ئەڤ سترانە بشێت پەیوەندییەكا هونەری ل گەل هەستێ گوهداران دروست بكەت.
