چیك دێ هاریكاریا ئاوارێن دهۆكێ كه‌ت
ئه‌ڤرۆ نیوز، ئه‌كره‌م به‌روارى:
ئه‌ڤرو نیڤرو ئیسماعیل محه‌مه‌د ئه‌حمه‌د هاریكارێ پارێزگه‌رێ دهوكێ پێشوازیا به‌رێز (جاروسلاف رف ) كونسلێ گشتى یێ ده‌وله‌تا چیك و شاندێ دگه‌لدا كر ,
دهه‌ڤدیتنه‌كێ دا كونسلێ چیك دیار كر كو ئارمانج ژ سه‌ره‌دانێ ئه‌وه بو هاریكارى كرن و پشته‌ڤانى كرنا پارێزگه‌ها دهوكێ دبیاڤێ ئاواراو په‌نابه‌را دا و دیار كر كو ئه‌و دێ 100 كه‌ره‌ڤانا بو كه‌مپا مام ره‌شان دابین كه‌ن و دبیاڤێ ساخله‌میێ دا دێ هژماره‌كا دختورێن پسپور دبیاڤێ ئیشێن گرن زو نشته‌رگه‌ریا واندا ئیننه دهوكێ و هنده‌ك نشته‌رگه‌ریا بو دلى و چاڤا و هه‌ستى ئه‌نجام بده‌ن و هنده‌ك نه‌خوشیێن گه‌له‌ك گران ببنه چیك بو چاره‌سه‌ریێ دیسان به‌رهه‌ڤیا وه‌لاتێ خو بو ڤه‌كرنا خولێن تایبه‌ت بو كاردێ ساله‌میێ یێ نافنجى دیار كر ,
هاریكارێ پارێزگه‌رێ دهوكێ كورتیه‌ك دا سه‌ر سه‌روبه‌رێ ئاوارا و په‌نابه‌را ل سنورێ پارێزگه‌هێ و ئه‌و خزمه‌تێن بو هاتینه ئه‌نجام دان و كارتێكرنا هه‌بونا ڤێ رێژا مه‌زن یا ئاوارا ل سه‌ر هه‌مى سه‌كته‌رێن ژیانێ ب تایبه‌ت ساخله‌مى و ئاڤ و كاره‌ب و په‌روه‌ردێ و دیار كر كو پێدڤیه جڤاكێ نێڤ ده‌وله‌تى باشتر رولێ خو بگێریت و هاریكاریێن باشتر بو كوردستانێ و ب تایبه‌ت بو دهوكێ بكه‌ن
د ده‌رباره‌ى هه‌كه ل پروسا رزگار كرنا میسا هنده‌ك ئاوارێن دى بهێن گوت : پارێزگه‌ها دهوكێ نه‌شێت ئێك ئاوارێ دى ب حه‌وینیت و پێدڤیه حكومه‌تا ئێراقێ و جڤاكێ نێڤ ده‌وله‌تى به‌رهه‌ڤیێن خو بكه‌ن و ئه‌و ب ستو خو ڤه بگرن ,, هه‌روه‌سا داخازیا مه‌شق دان و ڤه‌كرنا هنده‌ك خولێن تایبه‌ت بو كارمه‌ندێن په‌یوه‌ندى و راگه‌هاندنێ ژلایێ به‌رپرسێ په‌یوه‌ندیان ڤه هاته كرن و رازیبونا خو دیار كر دڤى بیاڤى دا هاریكاریێ بكه‌ن