چێرۆكا وى نوشدارێ نه‌شته‌رگه‌رى بۆ خوه ئه‌نجامداى بزانه
ئه‌ڤرۆ نیۆز، نه‌وزاد هلۆرى:
ره‌نگه دژیانێ دا گه‌له‌ك چێرۆكێن كارتێكه‌ر و جودا هه‌بن ، ئه‌گه‌ر ژى دزڤریت بۆ جوداهیا ژیانا تاكه كه‌سان ل گه‌ل هه‌ڤدو، نوشدار لیونید روجۆزیڤ ژى ئێكه ژ وان كه‌سانێن جودا ل جیهانێ كو ب ئێكه‌م نوشدار دهێته دانان كو ئه‌وهى ب خوه نه‌شته‌رگه‌رى بۆخوه ئه‌نجامداى.
لیونید روجۆزیڤ ئێك بوو ژ نوشدارێن ب ناڤوده‌نگ د ده‌مێ خوه دا ، ل سالا 1961 تووشى نه‌خوه‌شیا ریڤیكا كۆره بوو ، به‌لێ ل شوونا كو بچیته نوشداره‌كێ دى و نه‌شته‌رگه‌رى بۆ بهێته‌كرن، ئه‌وى ب خوه نه‌شته‌رگه‌رى بۆخوه كر، ژ به‌ركو ل وى ده‌مى ئه‌و تنێ نوشدار بوو ل وێستگه‌ها ڤه‌كۆلینێن رۆسیا و نوشدارێن دى ل دوورى وى بوون.
نوشدارێ ناڤبرى دده‌مێ ده‌مژمێره‌ك و 45 خوله‌كان نه‌شته‌رگه‌ریا رێڤیكا كۆره بۆ خوه ب سه‌ركه‌فتیانه ئه‌نجام دا و كه‌سه‌كێ دى ژى كو ئه‌ندازیاره‌كێ میكانیكى بوو هه‌ڤكاریا وى د نێزیككرن و به‌رده‌ستكرنا ئامیرێن نه‌شته‌رگه‌ریێ دكر.
لیونید روجوزیڤ هه‌تا سالا 2000 ژیایه و هه‌موو ئه‌و كه‌ره‌ستێن كو ئه‌وى د نه‌شته‌رگه‌ریا خوه دا ب كارئیناین ، نها ل موزه‌خانا باژێرێ بوترسبۆرگ يێ رۆسى هاتینه هه‌لگرتن.
