چێلسی ده‌ست ب لڤینا کریه بۆ ده‌ستڤه ئینانا ڤی یاریزانێ به‌رشه‌لونا
ئەڤرۆ نیوز:
یانا چێلسی یا ئینگلیزی یا لێگەریانا یاریزانەکێ ھێلا ناڤین کەت ل جھێ یاریزانێ خوە یێ نوکە ڤابریگاس ئەوێ پێشبینی دھێتەکرن ل ماوێ بھێت بەر ب خۆلا ئیتالیا بچیت تایبەت ل گەل یانا میلان.
رۆژنامەیێن نێزیکی یانا چێلسی دیارکرینە ھەکە ل ڤەگوھاستنێن بھێت ڤابریگاس یانا لەندەنی ب جهـ ھێًلا ئەو یانە دێ ھەڤبەستێ ل گەل یاریزانەکێ دی ل جھێ وی ئیمزا کەن و ھەر ژ ترسا وێ چەندێ نوکە وێ یانێ دەست ب لڤیناکریە بۆ دانوستاندنان ل گەل یاریزانێ یانا بەرشەلۆنا دەنینس سوارێز ئەوێ ژلایێ خوڤە بریارە ب جهـ ھێلانا یانا بەرشەلۆنا دای ژبەرکو دەلیڤەیا کرنا یاری نوکە بوو وی ل گەل یانا بەرشەلونا گەلەک یا کێمە و دخوازیت بچیتە یانەکا دی پتر دەلیڤەیا کرنا یاری بوو ھەبیت.
ئەوان رۆژنامان ئاشکراکریە ژی نوکە ئەڤە باشترین دەلیڤەیە یانا چێلسی بشێت ڤی یاریزانی ب دەستخوڤە بینت ژبەرکو ئەوی یاریزانی ژی حەزا چونێ ھەیە .
ھەردیسان ئەوان رۆژناما دیارکریە ژی یانا چێلسی کوژمێ ١٦ ھەتا ١٧ ملیون یورۆیان تەرخان کرینە بوو دەستڤە ئینانا ڤی یاریزانی ژ یانا بەرشەلۆنا.
