چێلسی رێکێ نادەتە بەرشەلۆنا و مان یوناید بوو کرینا ڤی یاریزانی

ئەڤرۆ نیوز:
یانا چێلسی یا ئینگلیزی یا رژدە ل سەر پاراستنا یاریزانەکێ خوە سەرەرای وێ چەندێ ھەر ئێک ژ یانێن بەرشەلۆنا و مانچێستەر یوناید بزاڤێن مەزن کرینە بوو ڤەگوھاستنا وی یاریزانی ل ڤەگوھاستنێن زڤستانێ.
ئاژانسا سکای سپورتس دیارکریە کارگێریا یانا چێلسی یا ئینگلیزی ھزرا فروتنا بەرەڤانێ خوە یێ نەرویجی ئەندریس کریستینس رەتکریە سەرەرای بزاڤێن مەزن یێن ھەردو یانێن بەرشەلۆنا یا ئیسپانی و مانچێستەر یوناید یا ئنگلیزی بوو ڤەگوھاستنا وی ل مێرکاتویا زڤستانێ.
ئەندریس یێ ٢٢ سالی ئەوێ ژ ئەکادمیا وێ یانێ رابووی بەری نوکە دیارکر بوو ئەو داخوازیت بەر ب یانەکا دی ڤە بچیت ژبەرکو دەلیڤەیا کرنا یاری بوو وی ل وەرزێ ئەڤ سالە نینە تایبەت پشتی ھاتنا راھێنەرێ وێ یێ نوو لێ کارگێریا وێ یانێ ھزرا فروتنا وی ب ئێکجاری ب دووماھیی ئینایە.

کۆمێنتا تە