چەکدارێن حەشدا شەعبی ئالایێ ئیرانێ ل کەرکووکێ بلند دکەن
ئەڤرۆ نیۆز،زنار تۆڤی:
چەکدارێن حەشدا شەعبی کو ب پشتەڤانیا سوپایێ پاسدارێن ئیرانێ ڤە هێرش کریە سەر کەرکووکێ و دەڤەرێن کوردستانێ،هەڤدەم میلیشیاتێن سەر ب ئیرانێ ڤە ل گەل ئالایێ عێراقێ ئالایێ ئیرانێ ژی ل سەر ئاڤاهیێن کەرکووکێ بلند کرینە.
ل رۆژانێن بوری دا ل ناڤا ئاڤاهیێ پارێزگەها کەرکووکێ ژی وێنەیێ خامەنایی ژی هاتیە هەلاویستن و ل دووڤ چەند گرتە ڤیدیۆیان، چەکدار و میلیشیاتێن شیعەیان کو ل تۆرێن جڤاکی هاتینە بەلاڤکرن و هێرشێ ل کوردان دکەن، ل پشت سەرێ وان، ئالایێ ئیرانێ، لۆگۆیێ سوپایێ پاسداران ژی هەلاویستینە.
ئەڤ بەلگە د دەمەکی دانە،کو میدیایێن ئیرانێ و عێراقێ و بالەکێ ئێکەتیێ ژی بانگەشەیا هندێ دکەن کو حەشدا شەعبی د وێ هێرشێ دا بەشدار نینە و ب تنێ سوپایێ عێراقێ و پۆلیسێن فیدرالینە.
