چ جۆرێن نشتەرگەریان ب نازوورێ دهێنە ئەنجامدان؟
د. ئەیاد ئەحمەد محەمەد، تایبەتمەندێ نشتەرگەریا گشتی دیارکر کو ل پشکا نهشتهرگهریا گشتی، نشتهرگهریێن نازوورێ (Laparoscopic Surger) دهێنە ئەنجامدان و گۆت: ژ مفایێن نشتهرگهریا نازوورێ ؛ ئێک ژ وان ئهوه کو برین گهلهک یا بچووکه، ئانکو بڕینا پیستی گهلهک یا کێمه، ههروهسا ئێش و ئازار گهلهک کێمترن، و نهخۆش دشێت ب زووترین دهم بزڤریته ڤه بۆ سهر کارێ خۆ و ژیانا خۆ یا ئاسایی دەربازبکەت.
دیارکر ژی، دەربارەی پهیدابوونا پێکڤهنووسیان یان فتقێ پشتی نشتهرگهریێ، د نازوورێ دا گهلهک کێمترن، ههروهسا خوینبهربووند ڤی جۆرێ نشتهرگهریێ دا گهلهک یا کێمه.
د. ئەیاد ئەحمەد محەمەد، ئەوژی دیارکر کو دشێن پتریا نشتهرگهریا ب رێکا نازوورێ ئهنجام بدهن، وهکی، نشتهرگهریا فتقێ و راکرنا زهراڤی و نشتهرگهریا خالخالکێ ، کیسکێ مهمکی دگەل نشتهرگهریا بچووککرنا مەعیدێ، ههروهسا هندهک جاران بۆ مهرهما دهستنیشانکرنێ دهێته بکارئینان؛ بۆ نموونه دهما نهخۆشهکی ئێشانهکا زکی ههبیت و ئهگهرێ وێ نههێته زانین، نازوور دهێته کرن. زێدهباری ڤێ چهندێ، نشتهرگهریێن مهزن ژی وهکی لادانا پهنکریاس و قۆلۆنی ژی ب نازوورێ دهێنه کرن.
ههروهسا د بوارێ نهخۆشیێن ژنان دا، گهلەک نشتهرگهری وهکی لادانا کیسکێن هێکەدانانێ یان راکرنا مالبچووکی، و دیسا نشتهرگهریێن مێزهرۆیێ ژی ب ڤی رهنگی دهێنه ئهنجامدان.”
د. کامیران جلال الدین، تایبەتمەندێ نشتەرگەریێن گۆلچیسکان ژی دیارکر کو ب کارئینانا لاپرۆسکۆپی یان نازوورا زکی بۆ عەمەلیاتێن د زکی دا، ئێک ژ وان بابەتا ئەوە کو مفایێن وێ گەلەکن و دەربارەی گۆلچیسکان د گەلەک واراندا مفا ژێ دهێتە دیتن ژوانژی؛ راکرنا کیسکا لسەر گۆلچیسکێ، راکرنا گۆلچیسکێ بخۆ، هەکە گۆلچیسکەک یا زەعیف بیت یان یا بچویک بیت، و بابەتێ راکرنا ئەو غودێت لسەر گۆلچیسکا دا ئەوژی دبێژنێ غودا کەزەری (Adrenal gland)، ئەو ژی بابەتێ وێ چونکو ب راستی نشتەرگەریێن ڤەکرنا وێ گەلەک وەختی دکێشن و گەلەک زەحمەت ب رێکا ڤەکرنێ ب نەخۆشی دکەڤیت، بەلێ پشتی ب کارئینانا ڤی جۆرێ ئامیرێ لاپرۆسکۆپی بۆ راکرنا ڤان کیسکا و ڤان هەودانان، باشترین رێک مە دیت ئەڤەیە. و ب راستی کۆمەکا نشتەرگەریان یێن کرین وەک راکرنا کیسکێن گۆلچیسکان یان راکرنا گۆلچیسکێ و ئەنجامێن وێ ژی ب راستی گەلەک جهێ دلخۆشیا مە بووینە.
