ڕاهێنەرێ سەنحاریب: ب دەستڤەئینانا ناسناڤێ ڕۆژئاڤایێ ئاسیایێ یا ب زەحمەتە
د دیدارەکێ دا د. هەکار برقی ڕاهێنەرێ تیما ڤۆلی بۆلا یانەیا سەنحاریب هەڤڕکی ل سەر ناسناڤێ کۆپا رۆژئاڤا ئاسیا ب سانەهی نینە ژبەر هەبوونا جوداهیێ د شیانێن دارایی یێن مە بەرانبەر ئەوان یانەیێن دی یێن پشکدار لێ ئەم ئێک خولەک ژی دەست ژ هەڤڕکییێ بەرنادەین.
زێدەتر ناڤهاتی گۆت: پێخۆشحالین شیاین ناسناڤێ خوە یێ ئیراقێ ب پارێزین، پێنەڤێت ب سانەهی نەبوو، لێ لدووڤ وێ پیلانا مە دانایی بۆ یاریێن خوە، خواندنا تیما بەرامبەر و چارەسەرکرنا ئەوان شاشی و ڤالاهیان، هەروەسا یەکەیێن ڕاهێنانێ بۆ هەردو دانێن سپیدی و ئێڤاری، ئەم شیایین پاراستنێ لسەر ناسناڤێ خوە بکەین، پالپشتیا جەنابێ پاریزگاری د. عەلی تەتەری ژی ئەگەر بۆ بشێن ناسناڤی ب پارێزین، هەڤکارییا کارگێریا یانەیێ ژی بۆ پالدەرەك شیایین باش کار ل سەر تیمێ بکەین.
ژلایەکێ دووڤە د. هەکار برقی ژی: زووترین دەم دێ دەست بەرهەڤیا و ڕاهێنانا بۆ کۆپا ڕۆژئاڤایێ ئاسیایێ کەین، هەروەسا دێ سێ یاریزانێن پیشەکار ژ دەرڤەی ئیراقی بۆ ناڤ ڕێزێن تیمێ ڤەگوهێزین، لدووڤ شیانێن دارایی دێ ئەوان یاریزانان گرێبەستێ ل گەل گرێدەین، دێ گوهۆڕینێن باش دناڤا پێکهاتیێ مە هێنە کرن، چۆنکو ئاستێ قارەمانیێ گەلەکێ بلندە و یانەیێن سەربۆر و خودان یاریزانێن ئۆرۆپایێ دگەل دانە، دەستڤەئینانا ناسناڤێ کۆپا ڕۆژئاڤایێ کەلەکێ زەحمەتە، بەلێ دێ گەلەک دێ بزاڤێ کەین بۆ هەڤرکیا دەستڤەئینانا ناسناڤێ یان ژ ڕێزبەندیا هەتا پێنجێ ژی ب دەستڤە بینن.
