ڕاگەهاندنكارێن دهۆكێ دەنگێ خۆ دێ دەنە لیستا 275
هەرهین محەمەد:
شەمال ئاكرەیی، سەرنڤیسەرێ گۆڤارا مەتین گۆت: ئەم یێن نێزیكی خولا شەشێ یا هەلبژارتنێن پەرلەمانێ عیراقێ دبین و بەربژارێن بهێز دیار ل سەر لیستا پارتی دیموكراتی كوردستان لیستا 275 بەربژارن، و ئەگەر مرۆڤ پێداچوونا وێ ل گەل دیرۆكا پارتی و هەرێما كوردستانێ و عیراقێ بكەت دێ وژدانا خوە ئارام كەت ب دەنگێ خوە و دەمی لایەنگریا ئەڤێ لیستێ دكەت و دەنگێ خوە ددەتە بەربژارێن ئەڤێ لیستێ و داكو كوردستان و كورد ل بەغدا ژی بگەهنە ئامانج و هیڤێن خوە و دیسان مە داكو مە لوبی و كوتلە و ناڤ و هێزەكا مەزن ل بەغدا هەبیت، لەورا پێدڤیە ل سەر هەرخودان وژدانەكێ كورد دەنگێ خوە بدەتە لیستا 275.
هەیفا دۆسكی، سەرنڤیسەرا گۆڤارا سڤۆرە گۆت: ل دەستپێكا دامەزراندنا پارتی و هەتا نوكە هەر پارتی بوویە بەڕەڤانی ژئەڤێ و ئەڤێ ئاخێ كریە ژلایێ ئاسایشا نەتەوەیی و سیاسی و ئابووری و جڤاكی و بوویە پارتەكا ئێكانە كو مرۆڤ دشێت باوەریا خوە پێ بینت و پارتی دیموكراتی كوردستان و لیستا 275 و بەتربژارێن وێ یێن هەرە باش، چونكو بۆ هەرقوناغەكا پەرلەمانی شاندەكێ باش و كادرێن پێگەهاندی و بشێن بەڕەڤانیێ ژ ئەڤێ ئاخێ و وەلاتی بكەن و بشێن هەڤپشكی وهەڤسەنگی و ل ل هەڤگرتنەكێ دگەل پەرلەمانێ عیراقێ كو تاكە پارتە دشێت ژ هەموو رویەكی ڤە بەرەڤانیێ ژ كوردستانێ بكەت، ب تایبەتی كورد ژلایێ نەتەوەیی ڤە و ژبەرهندێ ژ هەموو خەلكی دخوازم دەنگێ خوە بدەنە لیستا 275 و بەربژارێن وێ.
پەری بەرواری، ژ ئاژانسا خانی دبێژیت: لیستا 275 ئەو لیستەیە یاكو قەوارەیێ هەرێما كوردستانێ دپارێزیت و هەتا نوكە پاراستی و باوەرناكەم چو لایەنێن دی ئەڤ شیانە هەبن و یێن ئەڤێ لیستێ هەین و ئەڤێ قەوارێ ب پارێزن و ئەڤ لیستە تووشی گەلەك هێرشان بوویە و ب زیرەكی و خەمخۆریا ئەڤێ لیستێ ئەڤ هەرێمە هاتیە پاراستن و رۆژ بۆ رۆژێ دئاڤەدانیێ دایە ژلایێ ژێرخانا ئابووری و هەموو لایان ڤە خۆدان خزمەت بوویە و دبینم لیستا 275 دێ نەه كورسی دمسۆگەرن و یێ كاردكەن بۆ كورسیا دەهێ و د ئەوێ باوەریێ دامە خەلك حەزژێكەرێ ئەڤێ لیستێ یە دێ كورسیا دەهێ ژی ب دەستڤە ئینت.
جەگەر بەلۆ، ژ ئەی تیڤی دیاركركو پارتی ب درێژاهیا دیرۆكێ خەباتەكا مەزن كریە و خەباتا پارتی ژ هەرقوناغەكێ بۆ قوناغەكا دی یا جودابوویە و خەباتا پێشمەرگەی بۆ بەرەڤانیكرن ژ ئاخا كوردستانێ و ب دەستڤە ئینانا ئازادیەی و ئازادیا ئاخا كوردستانێ مە ئەڤ هەموو نەخۆشی و دەردەسەری دیتینە، لەورا وەكو رۆژنامەڤانەك ب دل و جان و ب خوینا خوە ل رۆژا دەنگدانێ دێ دەنگێ خوە دەمە لیستا 275 یا پارتی دیموكراتی كوردستان و بەربژارێن وێ و ئەو بەربژارێن پارتی هەلبژارتین د ئەوێ باوەرێ دا مە ل بەغدا دێ بەڕەڤانیێ مافێن گەلێ كورد دكەت و ئەو كێشە و ئاریشەیان چارەسەركەن و دێ بنە جهێ باوەریا خەلكی ل بەغدا.
دلڤین خەلیل، ژ دهۆك تیڤی دبێژیت: ئەز یا بەرهەڤم ل رۆژا دەنگدانێ بچمە سەرسندوقا و دەنگێ خوە بدەمە لیستا 275 و ئەو لیستە یە خوە ل هەر كەسەكی دكەتە خودان و شیایەن خوە ل بەرهخەرتشتەكی بگریت و بوویە دەنگێ راستەقینە یێ گەلێ كوردە و ژبلی ڤێ لیستێ ئەم چو لیستێن دی ل بەر چاڤێن خوە نابینین و یا بەرهەڤم ب خوینا خۆو رۆژا دەنگدانێ و دەنگێ خوە بدەمە لیستا پارتی دیموكراتی كوردستان، ژ بەركو ئەڤ لیستە یا ئێكانەیە دناڤ هەمو لیست و پارتێن دی دا .
سارا حاجی، ژ رادیۆیا دهۆك گۆت: دا كو خوینا شەهیدێن كوردستانێ و بابێ من ب هەروە نەچیت و دڤێت ئەم بەرهەمێ خۆینا شەهیدێن خوە ب پارێزین و پاراستنا خوینا شەهیدێن مەژی دەنگدانە و لیستا راستەقینەیا و خزمەتا خەلكێ كوردستانێ دكەت و ئەوا پتریا خەلكی دەنگێ خوە دەنێ و خزمەتگوزاریان پێشكێشی خەلكی دكەت و رۆژ بۆ رۆژێ كوردستانێ ئاڤەدانتر دكەت و ژیانا خەلكی ب ساناهی تر دكەت پتر ژ هەموو لایەنێن دی و هەر پارتی دیموكراتی كوردستانە خوە ل كێشە و ئاریشەیێن خەلكی دكەتە خۆدان و بزاڤێ دكەت كێشەیێن هەی دناڤبەرا حكومەتا هەرێما كوردستانێ و حكومەتا عیراقێ دا چارەسەربكەت و هەردەم پێنگاڤێن جدی دهاڤێت
ئیبراهیم زاویتەیی، ژدهۆك تیڤی دبێژیت: لیستا پارتی باشترین لیستە مرۆڤ دەنگ پێ بدەت و ژبەركو ل هەرجهەكی و دەمەكی و دكاودانێن خۆش و نەخۆش دا ئەم بتنێ پارتی دناڤ خەلكی دا دبینین كو داكوكیێ ل ئەرك و مافێن وان دكەت و ئەڤە ژبلی خزمەتا چەندین سالان ئەوا پارتی بۆ مللەتێ مەكری ب هەموو پێكهاتنەیا ن ڤە بێ جوداهی و هەردیسان دناڤ حكومەتێ ژی دا ل ئەوان جهێن پارتی لێ بالا دەست ئەم دبینین كا چەند خزمەت لێ دهێتەكرن و بەروڤاژی ل ئەوان پارتێن دی لێ بالا دەست ئەم دبینن كا چەوان دپشت گوه هاڤێتینە و خزمەتا وان ناهێتەكرن و ئەڤە تشتەكێ رۆن وبەرچاڤە كو هەرجهەكێ پارتی لێ هەبیت دێ ئاڤەدانی ژی لێ هەبیت و وەكو دیروك ژی پێدڤی ناكەت ئەم ل سەر بەحس بكەین، چونكو هەردەمێ پارتی دهێت دیرۆك ب خوە دیدەڤانیێ ل سەر ددەت.
