ڕیفرانـدۆمـا سـەربەخۆییـا کـوردستانـێ … بەلگەيـەکـا دیرۆکـی یە بۆ پـاشـەرۆژا گـەلـێ کوردستانـێ
نــەوزاد زادە
گەلێ کوردستانێ، وەکی هەمی گەلێ جیهانێ، مافێ ژیانەکا ئازاد و سەربەخۆیا هەی ل سەر ئاخا خۆ، کو گەلەکێ خودان خەبات و بزاڤ و راپەڕین و شۆڕشە. دیرۆکەکا دێرینا هەمەجور یا هەی ل شارستانیەتێ و خوەدی ناسنامە و کەلتور و زمان و جوگرافیا خۆ یا جودایە و هەر ل کەڤن دا ل سەر ڤێ ئاخێ ژیایە. هەر ل دەستپێکا دامەزراندنا دەولەتا ئیراقێ، دەستهەڵاتدار و حوکمەتێن جوداجودا یێن ئیراقێ، ل جهێ دابین کرنا مافێن رەوا یێن گەلێ کوردستانێ وەک گەلەکێ خۆدان ئاخ و ماف، هەمی کار و بزاڤێن وان ل پێناڤ نەهێلانا کوردستانێ و ژناڤبرنا ناسنامەیێ و عەرەبکرنێ بوون. ل پێناڤ ڤێ چەندی ژی، جینۆساید و ئەنفال و کیمیابارانا گەلێ کوردستانێ کرن.
ل پشتی نەمانا رژێما بەعسا ژناڤچووی ل ساڵا 2003، سەرکردایەتیا کوردستانێ و گەلێ کوردستانێ ب هیڤی بوون کو دەستهەلاتدارێن نووی یێن ئیراقێ وانە ل دیرۆکێ وەرگرتبن و ب دادپەروەری و سازان و ل دویڤ دەستورێ نوی رەفتار دگەل گەل و قەوارەیێ هەرێما کوردستانێ بکەن، مافێن هەرێمێ بهێنە پاراستن. بەلێ ب مخابنی ڤە، هەمان دەستهەلاتدارێن نووی یێن بەغداد ب ئەقلیەتا کەڤن رەفتار دگەل هەرێما کوردستانێ کرن و پێگیر نەبوون ب دەستوور و بنەمایێن هەڤبەشیێ و مافێن گەلێ کوردستانێ بنپێ کرن.
لەوما، سەرکردایەتیا گەلێ کوردستانێ ب سەرپەرشتیا سەرۆک بارزانی بڕیار دا کو ریفراندۆم بۆ سەربەخۆەیا کوردستانێ ل 25/9/2017 بهێتە ئەنجامدان. ب ئەنجامدانا ریفراندۆمێ، سەرۆک بارزانی وەکی رێبەرەکێ سیاسی و رێنیشادەر بۆ گەلێ کوردستانێ، دەستکەفتەکا دیرۆکی تۆمارکر و بەردەوام د ناڤا دیرۆکا شۆڕشگیریێ و نەتەوە یا خۆ دا دێ ئەستێرەیەکا روون مینیت.
ریفراندۆما سەربەخۆییا کوردستانێ … بەلگەهەکا دیرۆکی یە بۆ پاشەرۆژێ و دیرۆکەکا پر ل سەروەریێ بۆ گەلێ مەیێ بێ پشت و پەنا تۆمارکرییە، کە بوویە خەتیرەکا رۆناهیێ ل رێکا گەهشتن ب ئازادیێ و سەرفیرازیێ و پاشەرۆژەکا رۆن ئاسۆیەکێ پڕ هیڤیێ.
سەرۆک بارزانی، ب ئەنجامدانا ریفراندۆمێ بۆ سەربەخوەیا کوردستانێ، وەکی رێبەرەکێ سیاسی رێنیشاندەر بۆ گەلێ کوردستانێ و دەستکەفتێن دیرۆکی بۆ گەلەکێ بێ پشت و پەنا تۆمارکرییە.
پشتی چەوساندونا نەتەوەێ کورد، پێشێلکرنا مافێن سروشتێن خەلکێ کوردستانێ و سەپاندنا وێ تاریکیێ ئەوا ب سەر گەلێ مە دا هاتی ل سەد سالێن بۆری دا، ل کوشتن و برین و ب عەرەبکرنێ و لێبرنا ناسنامێ و جینۆساید و ئەنفال و کیمیاباران، و پاشان پشتی دەلیڤەیێن نوو، ل پشتی نەمانا رژێما گۆر ب گۆڕ و دەستپێکرن دگەل لایەنێ دەستهەلاتا نوویا بەغدا ب مخابنی ڤە، هەمان رێرەوێ نەگۆرێ شۆڤینی یێ بەردەوام بوو و پێگیرنەکرن ب رێککەفتنێن دەستووری و برسیکرنێ و برینا بۆجە و مووچێێن خەلکێ کوردستانێ و هەولدان بۆ ژناڤبرن و لاوازکرنا هەرێمێ و رێگریکرن ل پێشکەفتنا هەرێما کوردستانێ، و دیسا هەولدان ب رێکێن رێکخراوێن تیرۆرستی و درندە، مینا رێکخراو تیرۆستیا داعش، بۆ ژناڤبرناڤان دەستکەفتیان.
ل هەمبەر ڤێ چەندێ، جەنابێ بارزانی دیرۆکەکا پر سەروەریێ و قەهرەمانیێ تۆمارکریە و هەول بۆ دامەزراندنا قەوارەییەکێ سەربەخوە داییە، سەرباری وان هەمی گەف و فشاران ل سەر ئاستێ هەرێمایەتی و نیڤدەولەتی کو دگەل بەرژەوەندیێن وان نە دگونجیا، وەکی خۆیایە کێشا کوردی ل چار وەلاتێن هەرێمایەتی هەیە.
لێ سەرۆک بارزانی ب سیاسەتا نەرم و میانرەو و حەکیمانە یێ ئامادە نەبوو دستبەرداری مافێن رەوایێ خەلکێ کوردستانێ بیت، و دەست ب دروستکرنا دەولەتا کوردستانێ کر، ب رێکێن ئاشتی و دیمۆکراسی. و ب ئەنجامدانا ڤی کارێ پیرۆز، سەرۆک بارزانی پەیاما خەلکێ کوردستانێ گەهاندە هەمی جیهانێ، کو ب رێکا ئاشتی و دیموکراسیێ داخوازا مافێ خوە دکەت و دویر ژ توندوتیژیێ مینا سەرکردیێ جیهانێ گاندی، ژبەرکو دیموکراسیەت بخوە زانینەکە ژ پرۆسەکا دیرو و درێژ ژدایک دبیت.
و سەرباری وان هەمی بەرهنگاربوونان بۆ ئەنجامنەدانا ڤی کارێ پیرۆز، لێ سەرۆک بارزانی بۆ هەمی جیهانێ سەلماند کو ئەو تنێ پابەندێ دەنگێ گەلێ کوردستانێ و ل پێناڤ مافێن رەوایێن گەلێ خوە مساوەمێ ناکەت، بەردەوام د ناڤا دیرۆکا شۆڕشگیریێ و نەتەوە یا خودا دێ ئەسترەیەکا رۆن مینت و جەنابێ سەرۆک بارزانی دڤیا دەولەتا کوردی ل وی بارودۆخی دا بکەتە دورهێل.
ب بۆچوونا مە، ئەڤ پێنگاڤێن دێرۆکی، ئەگەر ئەو ناپاکی ل گەلێ کوردستانێ نەهاتبا کرن د ناڤ لایەنەکێ سیاسی ل هەرێما کوردستانێ، مینا ناپاکیا 16 شازدەی ئوکتۆبەرێ، کو رێککەفتن هاتبووکرن د ناڤبەرا لایەنەکێ سیاسیێ هەرێما کوردستانێ و دۆژمن و داگیرکەرێن کوردستانێ، کو بوو ئەگەرێ فروتنا ئاخا پیرۆزا کوردستانێ ب کەرکوکا دلێ کوردستانێ ڤەژی، ئەگەر ئەڤ چەندە ژلایێ وی لایەنێ کوردستانێ ڤە نەهاتبا کرن، رەنگە ئەم ل قۆناغەکێ یان ل سەردەمەکێ زێرین داباین، کو بەرهەمێ دیرۆکا بزاڤا رزگاریخوازا کوردستانێ دا نفشێ ئەڤرۆ دا چنیت.
