ڕێبەرێ ڕاستنڤیسا زمانێ كوردی – زارێ كرمانجی ل سەر دام و دەزگەهان دهێتە بەلاڤكرن
ب سەرپەرشتیا د. عەلی تەتەر، پارێزگارێ دهوكێ و ب ئامادەبوونا دەڤەردارێن سنۆرێ پارێزگەها دهۆكێ و سەرۆكێن زانكۆیێن دهۆك و زاخۆ و ڕێڤەبەڕێن رەوشەنبیری و هونەری و پەروەردەیێن دهۆكێ و ئیدارا سەربخۆ یا زاخۆ و سەندیكا ڕۆژنامەڤانان و ئێكەتیا نڤیسەرێن كورد و كۆمەلا باشنڤیسان و ناڤەندا خانی و ڕەوشەنبیری و زمانزانان، دوهی 23/8/2026 كۆمبوونەك ل دۆر بجهئینانا ڕێبەڕێ ڕاستنڤیسا زمانێ كوردی ب زارێ كرمانجی ب تیپێن عەرەبی هاتە ئەنجامدان.
د كۆمبۆنێ دا پارێزگارێ دهۆكێ بیر و بۆچوونێن پشكداربوویان وەرگرتن، پاشی ب تێروتەسەلی بەحس ل زەنگینییا زمانێ كوردی هاتە كرن، د دووڤ دا پارێزگاری هەموو پشكداربوویێن كۆمبوونێ ڕاسپاردن، كو ڕێبەرێ ڕاستنڤیسا كوردی بهێتە پەیرەوكرن و بجـهـئینان، كو ژ لایێ 14 پرۆفیسۆرێن شارەزا یێن زمانێ كوردی و ب سەرپەرشتیا زانكۆیێن دهۆك و زاخۆ ب باشترین شێوە هاتییە بەرهەڤكرن و نڤیسین، هەروەسا دەستخۆشی ل لیژنا بلند و ئەندامێن بەرهەڤكرنا ڕێبەڕێ ڕاستنڤیسا زمانێ كوردی كر و خواست بەردەوام دووڤچوونێ لسەر بجهئینانا وێ ل هەموو جهان بكەن و بۆ ڤێ چەندێ ژی لیژنەیەكا بجهئینەر و چاڤدێریكرنێ هاتە پێكئینان.
