ڕێكخراوەك پشتەڤانیا ئافرەتێن خودانكار ل دهۆكـێ دكـەت
هەرهین محەمەد:
سەرۆكێ ژوورا بازرگانی و پیشەسازی ل دهۆكێ بۆ ڕۆژنامەیا ئەڤرۆ دیاركر، رێكخراوا (IOM) یا نەحكومی ب هەماهەنگی و پشتەڤانییا ژوورا بازرگانی، پڕۆژەیەكێ تایبەت بۆ پشتەڤانیكرنا ئافرەتێن خودانكار و خودان پڕۆژە ل سەرانسەری پارێزگەها دهۆكێ ڕاگەهاندیە.
شوكری جەمیل، سەرۆكێ ژوورا بازرگانی و پیشەسازی ل پارێزگەها دهۆكێ گۆت: «ئەڤ پڕۆژە، پێشكێشكرنا هاریكاریەكا دارایی یە بۆ ئافرەتێن خودانكارێن بچووك، دا كو بشێن كارێن خۆ بەرفرەهتر لێ بكەن و دەلیڤەیێن كاری یێن بەردەوام دابین بكەن، ئەو هاریكاریە ژی ژ شەش ملیۆن و 500 هزار دیناران دەست پێ دكەت، هەتا 39 ملیۆن دیناران».
گۆت ژی: «دەرگەهێ تۆماركرنێ ب شێوازێ ئۆنلاین دەست پێ دكەت، ب ڕێكا لینكەكێ تایبەت و هەر ژ دەستپێكا مەها هەشت دەستپێكریە و هەتا 10/9/2026 دێ بەردەوام بیت، ئارمانجا پڕۆژەی بهێزكرنا ڕۆلێ ئافرەتێ یە د بازاڕێ كاری دا و گەشەپێدانا ئابووری یە ل پارێزگەها دهۆكێ».
