ڕەڤا مژێ
مللەت محەمەد
باهۆز و با
بوون فەنەرا شەڤەكا نەجەبری
ناڤێ تابووتا
ڕەڤدەكا دامای دگۆت
كەڤۆت ل بەر سەمایا هەلاتنا ئەلندەكا ساڤا
گازی سیڤانۆكا دكر
كەنی ژ ڕۆندكەكا نەفام ددۆت
دل ڤەجنقی
بۆ سترانەك
جوان ب ئاوازەكا بێ هۆش شەڤ دنڤاندن
بوو ئاماژەكا گوم گوم
نە دەنگ ژبەر دهات
نە ڕۆژ ل دویڤ بێهنا وی دهات
نە ژی
گەشتا
تۆڤێ ڤەگەڕانێ
دچاند
هەتا سوبێ
جوان ستران بۆ دلۆراندی
دناڤ ئاماژێن
غەزەبێ دا
ل بەر كنارێن بی دلییا
سەفەرێ دا گێڕاندی
چار دیوارێن نە ڕەنگكری
مرن بۆ گری
بوویە تابلۆیەكێ ڕەنگا
ژبیركری
نەفام كری
پاشی ژێبری…
…
ئاخ
زمان بوو ناڤ و نیشان
بوو كاروانەكێ بێ سەماكەر و ستران
شەڤ بوو ستران
بوو دلەكێ مری
دگەل هەناسەیەكا بگری
ڕۆندك داعویران
ژان فڕكری
پەشێمانییێ
پیاسەیەكا شێتانەكر
پاشی
بێ دل
یارییا خۆڤەشارتنێ دگەل
رەفدا قولنگا كر
ئاخ ژ خەو راكر
جوان سەما كر
بوون بن ئاخ كر
پێلین نەبوونێ
دەست ب كۆچبەرییێ كر
پاشی سۆزان
دەست ب نەوەییان كر
كریار راپێچان
مرنێ هەستێن وان كێشان
بریار بوونە ئاماژە
هشك بوون
بێ خولك بوون
ڕەنگ لێ نەما
پاشی تایێن مرنێ
پیاسەیەكا سەرژێكری
دگەل شەڤەكا
سەربڕی كر
ڕۆندك بۆ دهات
كۆڤانان
ڕەش دخاند
رەشەبایێ كزە
یێ ددەستێ
قەدەرێ دگریت
بۆ عەورەكێ
بێ ڕەنگ دگریت
دناڤ خەونێن بوونا خودا
بلند دفڕیت
دەڤێ
زمانەكێ شكەستی
یی پەیڤان
ژ ئاخێ جودا دكەت
سەمایێ دگەل مرنێ
دكەت
بوونا خۆ سەرخۆش
دكەت
جار
بێ هەناسەیێ ب هەلكێشیت
یێ دەمارا كەنیا دكێشیت
جار
یێ سترانا بهارا مرنێ
دبێژیت
نە ناڤێ دوهی دبێژیت
نە ڕەنگێ سوبێ د كێشیت
ڕۆژ یا دەڤێ ئاتافان
دگریت
قەدەر یا دەستێ
نێرگزا دگریت
و دگڤێشیت
و دگڤێشیت.
