ژبه‌ر له‌هيێن ده‌ريا مرى دو وه‌زيرێن ئوردنى ده‌ست ژكاركێشانا خوه پێشكێش دكه‌ن
ئه‌ڤرۆنيوز:
هه‌ردو وه‌زيرێن گه‌شتوگوزارى لينا عه‌ناب وپه‌روه‌ردێ وخواندنا بلند عه‌زمى محافزه ده‌ست ژكاركێشانا خوه ژ حوكمه‌تا ئوردنى ژبه‌ر كاره‌ساتا له‌هيێن ده‌ريا مرى، پێشكێشكر.
لينا عه‌ناب، وه‌زيرا گه‌شتوگوزارا ئوردنى دبه‌رپه‌رێ خوه ل سه‌ر تۆرا جڤاكى يا تويته‌رى به‌لاڤكر كو وێ ده‌ست ژكاركێشانا خوه دايه عومه‌ر ره‌زاز سه‌رۆك وه‌زيرێن ئوردنێ.
ل هه‌فتيا بۆرى ده‌ڤه‌را ده‌ريا مرى ل ئوردنێ تووشى له‌هيێن بارانان ببوو وبۆ ئه‌گه‌رێ گيان ژده‌ستدانا چه‌ندين كه‌سان ژ وان ژى هژماره‌كا قوتابيان كو دگه‌شته‌كا قوتابخانێ دا بوون.
ده‌ست ژكاركێشانا وه‌زيرا گه‌شتوگوزارا ئوردنى دده‌مه‌كى دا هات كو هژماره‌كا په‌رله‌مانتارێن ئوردنى داخوازا روونشتنا په‌رله‌مانێ ئوردنى كربوو ل دۆر ڤه‌كێشانا باوه‌ريێ ژ وێ ووه‌زيرێ په‌روه‌ردێ ژى.
