ژبەر ئاریشیێن بچووک پشکدار نابیت
ئەڤرۆ نیوز،ھەژار مەعروف:
ھەردو یاریزانێن ھەلبژارتیێ ئینگلتەرا واین رونی و یاریزان ریان برتراند ل راھێنانێن ھەلبژارتیێ ئینگلتەرا یێن ئەڤرۆ دوھی و ئامادە نەبووینە ل دووڤ گوتنا رۆژناما فور فور تو یا برێتانی ھەردو یاریزانا پشکداری د راھێنانێن ھەلبژارتیێ ئینگلتەرا دا نەکرینە و د بەرھەڤ نابن بۆ یاریا سوباھی بەرامبەر ھەلبژارتیێ ئیسپانیا ل یاریگەھا وێمبلی .
وێ رۆژنامێ ئەو چەندە ژێ ئاشکراکریە واین رونی و ریان برتراند ژبەر چەند ئاریشەیێن بچووک یێن گرێدای ئەوان نەشیان ئامادەبن ل راھێنانێن ھەلبژارتیێ ئینگلیز و ھەر ژبەر ڤێ چەندێ ژێ راھێنەرێ ھەلبژارتیێ ئینگلتەرا ل جھێ واین رونی ھێرشبەرێ یانا توتنھام یا ئینگلیزی یێ گەنج دیلان دنکان یێ ١٧ سالی داخوازی ھەلبژارتیێ ئینگلتەرا کریە بۆ یاریا سوباهى يا ھەڤالینی بەرامبەر ھەلبژارتیێ ئیسپانیا.
ژلایەکێ دووڤە ھێرشبەرێ توتنھام ھاری کین ژێ کەمپا ئینگلتەرا ب جە ھێلا ژبەرکو نەیێ بەرھەڤە بۆ ڤێ یاریێ ژلایێ جەستەیی ڤە و وەسا دھێـتە چاڤەرێکرن یاریا بەرامبەر ئیسپانیا بیتە یاریا دووماھیێ یا راھێنەرێ ھەلبژارتیێ ئینگلتەرا یێ بەروەخت گاریس ساوسگیس پشتی ئەرکێ راھێنەریا ھەلبژارتیێ ئینگلتەرا وەرگرتی ل جھێ راھێنەرێ بەری نوکە ئەوێ سام ئالاردیس ئەوێ ھاتیە دورخستن ژبەر ئەگەرێن تایبەت کو راھێنەرێ نوکە یێ ئینگلتەرا یێ بەروەخت گاریس راھێنەرێ ھەلبژارتیێ ئینگلتەرا یێ ٢١ سالی یە بتنێ ب شێوەیێ بەروەخت ئەرکێ ھەلبژارتیێ ئێکێ وەرگرتی یە.
