ژبەر ساخلەمیا خوە ھوشیاری مودێلان بە
ئه‌ڤرۆ:
گەلەک جارا ژن ل جیھانا جلکان و مودێلان دگەریێت و ژبیر دکەت کو دبیت رووبەرووی مەترسیێن ساخلەمی ببیت، ژ ئەنجامێ لبەرکرنا ھندەک جلکێن تەنگ و جێنز و چمكێن بلند.
ڤەکۆلینەکا بریتانی یا نوو دوپاتکر کو بەردەوام لبەرکرنا پێلاڤێن چمێن بلند و راکرنا چانتێن دەستی یێن گران و مەزن ب شێوەکێ رێکخستی، زێدەباری لبەرکرنا ئێکسسواراتێن ژ قەبارێ مەزن ئەڤە مەترسیێن ساخلەمی ل دووڤ خوە دھێلیت. سەرەرای ھندێ کو دبیت لبەرکرنا چمێ بلند جاروبارا بۆ جوانیا ژنێ بیت، لێ بەردەوام لبەرکرنا وی ئێشانەکا توند دئێخیتە نیڤا پێ مرۆڤی، دیسا دبیتە ئەگەرێ ھەودانا دەماران دناڤبەرا ھەستیێ چمی و و پێی کو د ئەنجام دا زەڤلەکێ پێ کورت دکەت و دئێشیت و د وەرمیت.
لبەرکرنا ستڤانکێن گران ل گەل راگرنا چانتێن دەستی دبیتە ئەگەرێ خاربوونا بربرا پشتێ، فشارەکێ د ئێخیتە سەر ستویی و بربرێن پشتێ و دبیتە ئەگەرێ تەشەنجا ملی و د ماوەکێ درێژ دا ھەست ب ئێشانەکا توند بکەت. رادێ کێشا چانتێ دەستی نێزیکی 2 ھەتا 3%ێ یە ژ کێشا مرۆڤی، لەوما باشترە جاران چانتە ب دەستی بھێتە ھلگرتن ژ ملی دا کو گەلەک فشار نە کەفیتە سەر. ھەروەسا لبەرکرنا جلکێن تەنک وەکو جینز زڤروکا خوونی تێکدەت دەلیڤا تووشبوونێ ب دەوالیێ زێدە دکەت.