ژبەر قەرێن ل سەر یانێ دێ ڤی یاریزانێ خوە فروشنە ریال مەدرید
ئەڤرۆ نیوز:
یانا ریال مەدرید یا بەردەوامە بوو دانوستاندنان ل گەل ستێرێن جیھانی بوو وەرزی بھێت ب مەرەما پێک ئینانا تیمەکا ب ھێز بوو وەرزێ بھێت کو ب ھێز بھێتە دناڤ ھەڤرکیا ناسناڤێن نافخوی و ئورۆپی بو وەرزێ بھێت .
رۆژناما موندو دیپورتیڤو یا ئیسپانی دیارکریە یانا ریال مەدرید بوو ماوێ سالەکێ زێدەتر ئارمانجا خوە کریە ستێرا دانیمارکی و یانا توتنھام کریستیان ئاریکسن بۆ ڤەگوھاستنا ئەوی یاریزانی بۆ ناڤ رێزێن پێکھاتیێ خوە لێ یانا ئەوی ھەتا نوکە رازی نەبوو لێ دبیت ب رێژەیا ھەرە مەزن ل ھاڤینا ئەڤ سالە ئەو یانە رازی بیت بوو فروتنا ئەوی یاریزانی ژبەر دو ئەگەران و ھەردیسان ب وی کوژمێ فروتنا ئەوی قەرێن یاریگەھا خوە پێ بدەت .
ھەردیسان ئەوێ رۆژنامێ ئاشکراکریە ژی یانا توتنھام دخوازیت ئەوی یاریزانی خوە بفروشیت ژ بەر دو ئەگەران کو یا ئێکێ ژ ترسا چونا ئەوی یاریزانی ل ھاڤینا سالا بھێت ب ھەڤبەستەکا سەربەست ژبەرکو ل ٢٠٢٠ ھەڤبەستا ئەوی یاریزانی دێ ب دووماھیی ھێت ھەردیسان ئەگەرێ دوێ دخوازیت ب کوژمێ فروتنا ئاریکسن قەرێن نوژەنکرنا یاریگەھا خوە بدەت ئەوێن ماینە ل سەر یانێ .
ھەژی گوتنێ یە بەری نوکە خودانێ یانا توتنھام دانی لیڤی بەری نوکە دیارکریە ئەو دێ دەستا ژ یاریزانێ خوە ئاریکسن بوو یانا ریال مەدرید ب مەرجەکی بەردەت ئەوژی بەرامبەر کوژمێ ١٥٠ ملیون یورویا.
