ژبەر ڤی ئەگەری خۆلا کوردستانێ ھاتە راوستاندن
ئەڤرۆ نیوز:
ئێکەتیا تەپا پێ یا کوردستانێ ئەڤرۆ د کومبوونا خوە یا حەفتیانە دا ل بارەگایێ خوە ل باژێرێ ھەولێر چەندین بریار دان ژ گرنگترین ئەوان بریارە ئێکەتیا ناڤبری بریارا راوستاندنا خۆلێ بوو ماوێ حەفتیەکێ دا ژبەر ئەو رویدانێن ل ماوێ حەفتیێن بوری ل خۆلێن پلا نایاب و پلا ئێک رویداین.
ئێکەتیا تەپا پێ یا کوردستانێ راگەھاند ئەوان چالاکیێن ھەردو خولێن پلا ئێک و پلا نایاب بوو ماوێ حەفتیەکێ راوستاندن ھەردیسان بریار دایە لژنەیەکا تایبەت پێک بینن بوو کومبوونێ ل گەل ئەوان یانێن شەرو تێکدان ل یاریگەھێن ئەوان پەیدابووین ل ماوێ بوری.
ھەردیسان ھاتیە دیارکرن ژی ئێکەتیا تەپا پێ دێ دیڤچوونێ ل سەر ھەموو رویدانێن بوری کەت ل ماوێ ڤێ حەفتیێ و پشتی بێنڤەدانا حەفتیەکێ دێ جارەکا دی دەست ب ھەڤرکیێن خولێ ھێتەکرن.
